2021 جىلعى 1 قاڭتاردان باستاپ 1 سەۋٸردٸ قوسا العانداعى كەزەڭدە جەكە تۇلعالاردىڭ كٶلٸك قۇرالدارىنا سالىناتىن سالىق بويىنشا بيۋدجەتكە 19,7 ملرد تەڭگە تٷستٸ. اعىمداعى جىلعى 25 ناۋرىزداعى جاعداي بويىنشا وسىعان دەيٸن 6,6 ملرد تەڭگە تٷسسە, الداعى تٶلەمدەر تۋرالى push-حابارلاما جٸبەرگەننەن كەيٸن 13,1 ملرد تەڭگە تٷسكەن. مۇنداي ستاتيستيكانى قر قم مەملەكەتتٸك كٸرٸستەر كوميتەتٸ جارييالادى.
سونداي-اق, مكك-دە: «سالىق كودەكسٸنە ەنگٸزٸلگەن ٶزگەرٸستەرگە سەيكەس 2020 جىلعا كٶلٸك قۇرالدارىنا سالىناتىن سالىقتى جەكە تۇلعالار 2021 جىلعى 1 سەۋٸردەن كەشٸكتٸرمەي تٶلەۋٸ قاجەت بولاتىن»,- دەدٸ.
2 سەۋٸردەن باستاپ ەربٸر كەشٸكتٸرٸلگەن كٷن ٷشٸن ٶسٸمپۇل ەسەپتەلەدٸ.
وسىعان دەيٸن, ا.ج. 30 ناۋرىزىندا https://t.me/kgdmfrk Telegram ارناسىندا كٶلٸك سالىعى بويىنشا ساۋالناما جٷرگٸزگەن. «سٸز 2020 جىلعا ارنالعان كٶلٸك قۇرالدارى سالىقتىڭ تٶلەنۋگە تيٸستٸ الداعى سوماسىن قالاي بٸلدٸڭٸز?»,- دەگەن سۇراققا ساۋالناماعا قاتىسۋشىلار كەلەسٸدەي جاۋاپ بەرگەن:
- ساۋالناماعا قاتىسقانداردىڭ 36%-ٸ سالىق سوماسىن «e-Salyq Azamat» موبيلدٸ قوسىمشاسى ارقىلى بٸلگەن;
- 30%-ٸ بانكتٸڭ موبيلدٸ قوسىمشاسى ارقىلى;
- 5%-ٸ «e-Salyq Azamat» موبيلدٸ قوسىمشاسىنداعى كالكۋلياتوردىڭ كٶمەگٸمەن ٶزدەرٸ دەربەس ەسەپتەگەن;
- 21% رەسپوندەنتتەر مەملەكەتتٸك كٸرٸستەر كوميتەتٸنٸڭ پورتالىنداعى كالكۋلياتوردىڭ كٶمەگٸمەن ٶز بەتٸنشە ەسەپتەگەن;
- 8%-ٸ مەملەكەتتٸك كٸرٸستەر باسقارماسىنا بارىپ, كەڭەس الۋدى جٶن كٶردٸ.
ەسكە سالا كەتەيٸك, بۇدان بۇرىن مەملەكەتتٸك كٸرٸستەر كوميتەتٸ كٶلٸك سالىعى بويىنشا الداعى تٶلەمدەردٸ العاش رەت تٶلەۋ مەرزٸمٸنە دەيٸن «e-Salyq Azamat» تەگٸن موبيلدٸ قوسىمشاسىنا جٸبەرەتٸنٸن مەلٸمدەگەن.
2020 جىلعا جەكە تۇلعالاردىڭ كٶلٸك قۇرالدارىنا سالىناتىن سالىق ٸٸم ەكٸمشٸلٸك پوليتسييا كوميتەتٸنٸڭ مەلٸمەتتەرٸ نەگٸزٸندە ەسەپتەلگەن.
