Ulttyq banki 12 maýsymnan bastap 2006 jyly jáne odan keiin shyqqan banknottardy merzimsiz aiyrbastaý kezeńi kúshine engenin eske salady. Osy ýaqyt aralyǵynda qazaqstandyqtar jalpy mólsheri 163 mln teńgege 66 403 banknot aiyrbastap aldy, dep habarlaidy QazAqparat.
Banknottardy aýystyrýǵa qatysty ótinishtiń basym bóligi Almaty (16,6%), Nur-Sultan (9,7%) qalasy men Qaraǵandy oblysy (8,8%) turǵyndarynan tústi. Aiyrbastaýǵa qabyldanǵan aqshanyń basym bóligi – nominaly 500 teńgelik banknot (47,1%).
Aita keteiik, ainalymnan shyqqan 2006 jylǵy úlgidegi nominaly 500, 1000, 2000, 5000 jáne 10 000 teńgelik banknottardy shekti merzimine qaramastan Qazaqstan Ulttyq bankiniń aýmaqtyq filialdarynda aiyrbastaýǵa bolady.
Jańa banknot shyqqan jaǵdaida eski úlgisi 12 ai boiy qoldanysta qatar júredi. Bir jyl boiy eski banknot ta, jańa banknot ta zańdy tólem quraly bolyp sanalady jáne olar barlyq tólem túri boiynsha qabyldanýǵa mindetti.
Qandai da bir banknot ainalymnan shyqqan jaǵdaida 3 jyl ishinde ony QUB filialdarynan da, ekinshi deńgeili bankter bólimshesinen nemese «Qazposhtadan» aiyrbastap alýǵa bolady. Ainalymnan shyǵarylǵan banknottar 3 jyl ótken soń da Ulttyq bank filialdarynda merzimsiz aiyrbastala beredi.
