ۇلتتىق بانكٸ 12 ماۋسىمنان باستاپ 2006 جىلى جەنە ودان كەيٸن شىققان بانكنوتتاردى مەرزٸمسٸز ايىرباستاۋ كەزەڭٸ كٷشٸنە ەنگەنٸن ەسكە سالادى. وسى ۋاقىت ارالىعىندا قازاقستاندىقتار جالپى مٶلشەرٸ 163 ملن تەڭگەگە 66 403 بانكنوت ايىرباستاپ الدى, دەپ حابارلايدى قازاقپارات.
بانكنوتتاردى اۋىستىرۋعا قاتىستى ٶتٸنٸشتٸڭ باسىم بٶلٸگٸ الماتى (16,6%), نۇر-سۇلتان (9,7%) قالاسى مەن قاراعاندى وبلىسى (8,8%) تۇرعىندارىنان تٷستٸ. ايىرباستاۋعا قابىلدانعان اقشانىڭ باسىم بٶلٸگٸ – نومينالى 500 تەڭگەلٸك بانكنوت (47,1%).
ايتا كەتەيٸك, اينالىمنان شىققان 2006 جىلعى ٷلگٸدەگٸ نومينالى 500, 1000, 2000, 5000 جەنە 10 000 تەڭگەلٸك بانكنوتتاردى شەكتٸ مەرزٸمٸنە قاراماستان قازاقستان ۇلتتىق بانكٸنٸڭ اۋماقتىق فيليالدارىندا ايىرباستاۋعا بولادى.
جاڭا بانكنوت شىققان جاعدايدا ەسكٸ ٷلگٸسٸ 12 اي بويى قولدانىستا قاتار جٷرەدٸ. بٸر جىل بويى ەسكٸ بانكنوت تا, جاڭا بانكنوت تا زاڭدى تٶلەم قۇرالى بولىپ سانالادى جەنە ولار بارلىق تٶلەم تٷرٸ بويىنشا قابىلدانۋعا مٸندەتتٸ.
قانداي دا بٸر بانكنوت اينالىمنان شىققان جاعدايدا 3 جىل ٸشٸندە ونى قۇب فيليالدارىنان دا, ەكٸنشٸ دەڭگەيلٸ بانكتەر بٶلٸمشەسٸنەن نەمەسە «قازپوشتادان» ايىرباستاپ الۋعا بولادى. اينالىمنان شىعارىلعان بانكنوتتار 3 جىل ٶتكەن سوڭ دا ۇلتتىق بانك فيليالدارىندا مەرزٸمسٸز ايىرباستالا بەرەدٸ.
