Air Astana áýe kompaniiasy jolaýshynyń jol júgin tasymaldaýǵa qatysty shaǵymyna jaýap berdi. Áýe kompaniiasy taratqan aqparat boiynsha, olarda júkterdi (bagaj) jeke tasymaldaý júiesi qalyptasqan, dep habarlaidy QazAqparat.
Facebook áleýmettik jelisin qoldanýshy Hákim Sabyrov «Astana, pohvalit/pojalovatsia» tobynda joljúgin tasymaldaýǵa narazy bolyp, ókiletti organdardan Air Astana áýe kompaniiasy áreketiniń zańdylyǵyn tekserýdi suraǵan.
«Búgin, 17.08.2020 kúni saǵat 19:05-te meniń balalarym KS855 reisimen Almatydan Nur-Sultanǵa ushý kerek bolatyn. Ózderimen, ádettegidei, Almatynyń almasy men jemisin áketpek bolǵan. Bilette 23 kg-ǵa deiin júk tasymaldaýǵa ruqsat etilgeni kórsetilgen. Al olar júkti tapsyryp jatqan kezde shekteý bar ekenin málimdegen. Bul shekteýler kishi qarippen tómengi jaǵynda jazylǵan. Eski evreilik aldaý júiesi. Olarǵa tirkeý kezinde Air Astana qyzmetkerleri ár adamǵa bir júkten tiesili bolý úshin qorap pen chemodandardy óz ókilderinen 2000 teńgege oratyp alýdy usynǵan. Iaǵni, taǵy 6000 teńge tóleý kerek. Sońynda áýejaiǵa deiin shyǵaryp salǵan týystardy qaita shaqyryp, jemis salynǵan qoraptardy tastap ketýge májbúr boldy. QR Indýstriia jáne infraqurylymdyq damý ministrligi monopoliialardy retteý agenttiginen osyndai alaiaqtyq júieniń kóshbasshysy sanalatyn Air Astana kompaniiasy áreketiniń zań júzinde durys-burystyǵyn tekserýdi suraimyn», delingen Hákim Sabyrovtyń jazbasynda.
Áýe kompaniiasy jolaýshynyń shaǵymyna jaýap berdi. Air Astana ókili Janna Badaýbaeva áýe kompaniiasynda júkti jekelep tasymaldaý júiesi bar ekenin túsindirdi. Erejege sáikes, bir jolaýshy 23 keliden artyq júk tasymaldai almaidy.
«Áýe kompaniiasynyń qyzmetkerleri nusqaýlyqqa sáikes áreket etken. Eger sizdiń birneshe qorabyńyz bolsa – bárin bir sómkege nemese chemodanǵa salýyńyz qajet. Eger kólemi normalarǵa sai kelse júkti biriktirýge ruqsat etiledi. Bul júgińizdi bortqa tieý jáne tasymaldaýǵa qolaily bolý úshin jáne tasymaldaý kezinde joǵalyp ketpeý úshin qajet. Sonymen qatar, koronavirýs indetimen kúres aiasynda qol júgi shektelgen bolatyn. Sol sebepti qolǵa tek áielder sómkesi men qundy zattardy alýǵa ǵana ruqsat bar», - dep túsindirdi áýe kompaniiasynyń ókili.
Sonymen qatar, áýe kompaniiasynyń baspasóz qyzmeti júktiń salmaǵy normadan asyp ketkende tariftiń qalai ózgergenin aityp berdi.
«Salmaǵy asyp ketken júktiń baǵasy baǵyt pen tólem jasaý ýaqytyna bailanysty. Máselen, Almaty-Nur-Sultan baǵytyndaǵy qosymsha júk jeńildikpen 7 myń teńge turady, al eger ushýyńyzǵa bir táýlikten az ýaqyt qalsa – 10 myń teńge. Eger jolaýshynyń júgi normadan asyp ketse oǵan qosymsha orynǵa tólei salǵan tiimdi, biraq onyń baǵasy jeńildiksiz 10 myń teńge bolady. Eger salmaǵy asyp ketken júkke bólek tóleitin bolsa júie oǵan 17 myń teńge eseptep beredi. 10 myń teńgesi orynǵa jáne 7 myń teńgesi asyp ketken júkke. Sebebi bizde júkti jekelep tasymaldaý júiesi qalyptasqan. Sol sebepti jolaýshylarǵa artyq kelini qolǵa alýdy usynady», - dep túsindirdi baspasóz qyzmetiniń ókilderi.
Áýe kompaniiasy byltyrdan bastap júk tasymaldaý erejesiniń ózgergenin eske saldy.
Bagajdyń tegin normasy Piece concept halyqaralyq júiesi boiynsha júktiń alatyn oryndar sanyna qarai esepteledi. Buryn tasymaldanatyn bagajdyń salmaǵyn esepteý Weight concept júiesi boiynsha júrgiziletin. Bul tájiribeni halyqaralyq tasymaldaýshylar keńinen qoldanady.
2019 jyldyń 7 tamyzynan bastap tańdaǵan tarifke bailanysty jolaýshylar ózderimen bir nemese eki sómke alyp júredi. Bir sómkeniń maksimaldy salmaǵy ekonom-klassta 23 kg jáne biznes-klassta 32 kg. Eger sizge kóbirek júkti tasymaldaý kerek bolsa ushardan kem degende 24 saǵat buryn 30% jeńildikpen oryn satyp ala alasyz.
