Qazaqstandyq aralas jekpe-jek sheberi Shavkat Rahmonov Ábý-Dabide ótip jatqan UFC 254 týrnirinde jeńiske jetti, dep habarlaidy "Ult aqparat".
Rahmonov orta salmaqta tájiibeli braziliialyq Aleks Oliveiramen (22-8-1-2) oktagonǵa shyqty.
Jekpe-jek úsh raýndqa eseptelgenimen, kópke sozylmady. Qazaqstandyq jekpe-jek sheberi birinshi raýndta-aq básekeni tunshyqtyrý ádisimen aiaqtady.
Bul 26 jastaǵy Sh.Rahmonovtyń UFC jarysyndaǵy alǵashqy tabysy edi.
Osylaisha ol aralas jekpe-jekten barlyǵy 13 kezdesý ótkizse, sonyń bárinde qarsylastaryn merziminen buryn tize búktirdi. Al braziliialyq sportshy aralas jekpe-jekte 10 jyldan beri óner kórsetip keledi. Sońǵy bes jylda UFC týrnirinde baq synap, 18 kezdesýiniń 11-in utqan. Bul - onyń toǵyzynshy jeńilisi.
Rahmonov jekpe-jek sońynda bergen suhbatynda Qazaqstannyń týyn biikte jelbiretý zor baqyt ekendigin, keshe bolǵan týǵan kúnine óziniń osylaisha tartý jasaǵanyn málimdedi.
Ábý-Dabidegi týrnirdiń basty jekpe-jeginde jeńil salmaqtaǵy chempion, reseilik Habib Nýrmagomedov (28-0) pen osy ataqtan úmitker, amerikalyq Djastin Getji (22-2) ortaǵa shyǵady.
