قازاقستاندىق ارالاس جەكپە-جەك شەبەرٸ شاۆكات راحمونوۆ ەبۋ-دابيدە ٶتٸپ جاتقان UFC 254 تۋرنيرٸندە جەڭٸسكە جەتتٸ, دەپ حابارلايدى "ۇلت اقپارات".
راحمونوۆ ورتا سالماقتا تەجٸيبەلٸ برازيلييالىق الەكس وليۆەيرامەن (22-8-1-2) وكتاگونعا شىقتى.
جەكپە-جەك ٷش راۋندقا ەسەپتەلگەنٸمەن, كٶپكە سوزىلمادى. قازاقستاندىق جەكپە-جەك شەبەرٸ بٸرٸنشٸ راۋندتا-اق بەسەكەنٸ تۇنشىقتىرۋ ەدٸسٸمەن اياقتادى.
بۇل 26 جاستاعى ش.راحمونوۆتىڭ UFC جارىسىنداعى العاشقى تابىسى ەدٸ.
وسىلايشا ول ارالاس جەكپە-جەكتەن بارلىعى 13 كەزدەسۋ ٶتكٸزسە, سونىڭ بەرٸندە قارسىلاستارىن مەرزٸمٸنەن بۇرىن تٸزە بٷكتٸردٸ. ال برازيلييالىق سپورتشى ارالاس جەكپە-جەكتە 10 جىلدان بەرٸ ٶنەر كٶرسەتٸپ كەلەدٸ. سوڭعى بەس جىلدا UFC تۋرنيرٸندە باق سىناپ, 18 كەزدەسۋٸنٸڭ 11-ٸن ۇتقان. بۇل - ونىڭ توعىزىنشى جەڭٸلٸسٸ.
راحمونوۆ جەكپە-جەك سوڭىندا بەرگەن سۇحباتىندا قازاقستاننىڭ تۋىن بيٸكتە جەلبٸرەتۋ زور باقىت ەكەندٸگٸن, كەشە بولعان تۋعان كٷنٸنە ٶزٸنٸڭ وسىلايشا تارتۋ جاساعانىن مەلٸمدەدٸ.
ەبۋ-دابيدەگٸ تۋرنيردٸڭ باستى جەكپە-جەگٸندە جەڭٸل سالماقتاعى چەمپيون, رەسەيلٸك حابيب نۋرماگومەدوۆ (28-0) پەن وسى اتاقتان ٷمٸتكەر, امەريكالىق دجاستين گەتجي (22-2) ورتاعا شىعادى.
