Internatsionaldyq Jazýshylar odaǵy (www.inwriter.ru) Halyqaralyq London syilyǵyna qatysty Ulybritaniia Jazýshylar odaǵymen birlesken besjyldyq jumystyń qorytyndysyn shyǵardy. Bul aýqymdy joba álemniń túkpir-túkpirindegi jazýshylarǵa óz shyǵarmalaryn halyqaralyq arenada usynýǵa, granttar men qurmetti ataqtarǵa ie bolýǵa múmkindik berdi, dep habarlaidy "Ult aqparat".
Internatsionaldyq Jazýshylar odaǵynyń baspasóz qyzmetinen málim etkendei, baiqaýǵa álemniń 15 elinen zamanaýi jáne daryndy avtor - Aizek Adamson (AQSh), Melvin Biordjess (Ulybritaniia), Richard Glover (Aýstraliia), Ante Krog (OAR), Laimonas Tapinas (Litva), Sergei Lýkianenko (Resei) jáne basqalary qatysqan.
Halyqaralyq London syilyǵy kóptegen qatysýshyǵa alǵa qarai úlken qadam jasaýǵa kómektesti. Syilyq alty nominatsiiaǵa bólindi jáne avtorlardyń kásibi dárejesine sáikes birneshe kezeńnen jáne sanattardan turdy.
Long-paraqshaǵa engen avtorlar «Jyldyń úzdik avtory» ataǵyn aldy jáne «London syilyǵy jazýshyny usynady» («London Prize presents») seriiasymen kitap shyǵarý múmkindigine ie boldy.
Halyqaralyq London syilyǵyn uiymdastyrýshylardyń arqasynda ár eldiń 500-den astam aqyn-jazýshysy álemdik arenaǵa shyǵyp, ózin sheteldik aýditoriiaǵa tanyta aldy.
Syilyq laýreattary Taýfik Kárimov (Qazaqstan), Den Braýn (AQSh), Orr Vendi (Aýstraliia), Daffi Kerol Enn (Ulybritaniia), Viktoriia Levina (Izrail), Li Mi-Iýng (Kanada), Pavel Gýbin (AQSh), Igoni Barrett (Nigeriia), Han Gan (Ońtústik Koreia), Lýna El (Frantsiia), Alisa Lippart (Norvegiia), Oleg Shtelman (Litva), Sariia Mammadova (Ázerbaijan), Liýbov Pivnik (AQSh) jáne basqalary boldy.
Qazaqstandyq Taýfik Kárimov «Juldyzdar» atalymynda «Shaǵyn proza» nominatsiiasy boiynsha Charlz Dikkens syilyǵynyń laýreaty boldy. Onyń baiqaýǵa qatysqan týyndysy – aǵylshyn jáne orys tilderinde jaryq kórgen «Fata Morgana» kitaby.
Aita keteiik, T.Kárimov Sajida Sýleimanova atyndaǵy ádebi syilyqtyń (Tatarstan Respýblikasy) laýreaty, Týsson qalasynyń (AQSh) qurmetti azamaty.
Orys, qazaq, tatar jáne aǵylshyn tilderinde jaryq kórgen kitaptardyń avtory, sondai-aq Qazaqstan, Internatsionaldyq, Resei, Tatarstan jáne Ázerbaijan Jazýshylar odaqtarynyń múshesi. Qazirgi kezde Qazaqstan tatarlary men bashqurttarynyń kongresin basqarady. Budan bólek, Dúniejúzilik tatarlar kongresi ulttyq keńesi tóraǵasynyń orynbasary.
