Bul bastama «Jas Otan» JQ «Jastar – Otanǵa!» 2025 jylǵa deiingi baǵdarlamasyn talqylaýǵa arnalǵan beinekonferentsiiada kóterildi, dep habarlaidy QazAqparat.
Kezdesý barysynda «Jas Otan» JQ jetekshisi Elnur Beisenbaev belgili bir óńirdiń, aýdannyń nemese aýyldyń máselelerin sheshý úshin naqty jol kartalary ázirlenetinin atap ótti.
«Biz alǵash ret naqty sharalar kesheni men belgilengen indikatorlary bar 216 óńirlik jol kartasyn daiyndaimyz. Ár jol kartasy sol aýdandy, qalany qamtityn bolady, al jergilikti jastar indikatorlardyń oryndalý barysyn ózderi baqylai alady. Osyndai jol kartasynyń naqty tarmaqtarynyń biri – jastar arasyndaǵy jumyssyzdyqty 3,7% deiin tómendetý», - dedi E. Beisenbaev.
Al tarihshy, arheolog, PhD doktory, Ulttyq mýzei direktorynyń ǵylymi jumys jónindegi orynbasary Aibar Qasenalin jastarǵa salalyq syilyqtar tabystaýdy usyndy.
«Meniń oiymsha, «Daryn» syilyǵy jas qazaqstandyqtardyń eńbegin baǵalaý úshin jetkiliksiz, sondyqtan jas qazaqstandyqtardy «Jas ǵalym», «Jas talant», «Jas jazýshy» siiaqty syilyqtardy taǵaiyndaý arqyly yntalandyrýdy usynamyn», - dedi Aibar Qasenalin.
Sonymen birge, A. Qasenalin ǵylymmen ainalysatyn jastardyń qajettiligin eskere otyryp, jas ǵalymdar úiin salýdy usyndy.
Kórkem gimnastikadan halyqaralyq dárejedegi sport sheberi Anna Aliabeva jastar arasynda sport, salaýatty ómir saltyn damytýdy jáne osal toptaǵy adamdarǵa sportpen shuǵyldanýǵa kómektesý kerektigin atap ótti.
Aita keteiik, «Jastar – Otanǵa!» 2025 jylǵa deiingi baǵdarlamasy «Jas Otan» jastar qanatynyń V sezinde qabyldanady. Qazirgi ýaqytta baǵdarlama jobasy elimizdiń barlyq óńirinde talqylanyp jatyr.
.jpeg)