Qazaqstandyq Beibit Jýkaev elordada ótip jatqan ITF World Tennis Tour - M25 týrniriniń shirek finalyna shyqty, dep habarlaidy "Ult aqparat".
Qazaqstan tennis federatsiiasy málim etkendei, jarysty uiymdastyrýshylardan arnaiy shaqyrtý alǵan B.Jýkaev ekinshi ainalymda osy dodanyń 4-raketkasy, aýstraliialyq Djeison Kýblermen kezdesti.
Aqtaý tennis mektebiniń túlegi, 20 jastaǵy Beibit Jýkaev 1:6, 7:6 (11:9), 7:5 esebimen jeńiske jetti.
Úsh saǵat 32 minýtqa sozylǵan asa tartysty matchta Beibit 11 eis, 2 breik jasady. Qarsylasy, 28 jastaǵy D.Kýbler 6 eis, 4 breikke qol jetkizdi.
«Tájiribeli tennisshini jeńgenime qýanyshtymyn. Búgin aýa raiy qolaily bolmai, kúshti jel kedergi jasady. Ekinshi partiiada soǵan beiimdelip, dopty jaqsy bere aldym. Djeison da keremet oinady. Degenmen óz josparymdy aiaǵyna deiin júzege asyra bildim», dedi B.Jýkaev.
Qazaqstandyq tennisshi jartylai finalǵa shyǵý úshin reseilik Petr Biriýkovpen talasady.
Eske sala keteiik, budan buryn Zara Dárkenniń Parijdegi týrnirdi jeńispen bastaǵanyn jazǵan bolatynbyz.
