قازاقستاندىق بەيبٸت جۋكاەۆ ەلوردادا ٶتٸپ جاتقان ITF World Tennis Tour - M25 تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەندەي, جارىستى ۇيىمداستىرۋشىلاردان ارنايى شاقىرتۋ العان ب.جۋكاەۆ ەكٸنشٸ اينالىمدا وسى دودانىڭ 4-راكەتكاسى, اۋسترالييالىق دجەيسون كۋبلەرمەن كەزدەستٸ.
اقتاۋ تەننيس مەكتەبٸنٸڭ تٷلەگٸ, 20 جاستاعى بەيبٸت جۋكاەۆ 1:6, 7:6 (11:9), 7:5 ەسەبٸمەن جەڭٸسكە جەتتٸ.
ٷش ساعات 32 مينۋتقا سوزىلعان اسا تارتىستى ماتچتا بەيبٸت 11 ەيس, 2 برەيك جاسادى. قارسىلاسى, 28 جاستاعى د.كۋبلەر 6 ەيس, 4 برەيككە قول جەتكٸزدٸ.
«تەجٸريبەلٸ تەننيسشٸنٸ جەڭگەنٸمە قۋانىشتىمىن. بٷگٸن اۋا رايى قولايلى بولماي, كٷشتٸ جەل كەدەرگٸ جاسادى. ەكٸنشٸ پارتييادا سوعان بەيٸمدەلٸپ, دوپتى جاقسى بەرە الدىم. دجەيسون دا كەرەمەت وينادى. دەگەنمەن ٶز جوسپارىمدى اياعىنا دەيٸن جٷزەگە اسىرا بٸلدٸم», دەدٸ ب.جۋكاەۆ.
قازاقستاندىق تەننيسشٸ جارتىلاي فينالعا شىعۋ ٷشٸن رەسەيلٸك پەتر بيريۋكوۆپەن تالاسادى.
ەسكە سالا كەتەيٸك, بۇدان بۇرىن زارا دەركەننٸڭ پاريجدەگٸ تۋرنيردٸ جەڭٸسپەن باستاعانىن جازعان بولاتىنبىز.
