Birinshi orta salmaqtaǵy qazaqstandyq boksshy Sadriddin Ahmedov (6-0, 6 KO) kásibi mansabyndaǵy altynshy jeńisine qol jetkizip, tanymal Boxrec.com saityndaǵy reitinginde óz ornyn jaqsartty, dep habarlaidy Sports.kz.
Edmontondaǵy (Kanada) boks keshi aiasynda Ahmedov birinshi raýndta meksikalyq Eliýd Melendes Rochýdi (14-11-2, 7 KO) nokaýtqa túsirdi. Bul jeńis Sadriddinniń BoxRec reitinginde 17 orynǵa kóterilýine múmkindik berdi - endi ol óz divizionynda 162-oryndy ielendi. Birinshi orta salmaqta onyń otandasy Madiiar Ashkeev (10-0, 6 KO; 107-oryn) pen Nursultan Janǵabaev (5-0, 4 KO; 138-oryn) Ahmedovten joǵary orynda tur.
