Meditsina ǵylymdarynyń doktory Botagóz Káýkenova COVID-19-ǵa qarsy qazaqstandyq jáne qytailyq vaktsinalardyń bir-birinen aiyrmashylyǵy nede ekendigin aitty, dep habarlaidy QazAqarat.
«Jalpy, vaktsinalardy birdei deýge bolady. Ekeýi de inaktivtelgen vaktsina sanalady. Olardyń quramynda SARS-CoV-2 virýsynyń óltirilgen shtammy bar. Quramy da, adiývanttarynyń, belsendi zattarynyń bolý da birdei. Jalǵyz aiyrmashylyǵy, aitalyq, qazaqstandyq vaktsinanyń saqtaý merzimi 6 ai, al qytai vaktsinasyn 12 ai saqtaýǵa bolady», - dedi Botagóz Káýkenova Experts Hub Kazakhstan» jobasy sarapshylarymen ótken dóńgelek ústel barysynda.
Onyń atap ótýinshe, eki vaktsinanyń tehnikalyq detaldarynda da bolmashy aiyrmashylyq bar.
«Iaǵni, azdaǵan ǵana tehnikalyq detalynda ózgeshelik bar. Al kórsetilimi, qarsy kórsetilimi birdei deýge bolady. Tiimdiligine qatysty aitar bolsaq, otandyq ǵalymdardyń málimdemelerine sáikes, qazaqstandyq vaktsinanyń tiimdiligi 90 paiyzdy quraidy. Degenmen, qytailyq vaktsinanyń tiimdiligi de osy shamada», - dedi ol.
