Jambyl oblysyndaǵy qazaqstandyq vaktsina shyǵaratyn zaýyt jylyna 60 mln doza QazVac bere alady. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Májilistiń jalpy otyrysynda palata tóraǵasy Nurlan Nyǵmatýlin Densaýlyq saqtaý ministrinen otandyq QazVac vaktsinasy qashan jáne qandai kólemde qoljetimdi bolatynyn surady.
«Suraý berilgen jetkizilimderge sáikes, biz Biologiialyq qaýipsizdik problemalary ǴZI alańynda qazaqstandyq vaktsinanyń ai saiyn 50 myń dozasyn alamyz jáne 100 myńǵa deiin ósiremiz. Aldaǵy ýaqytta Jambyl oblysyndaǵy alań iske qosylǵanda, zaýyt jylyna 60 mln dozany qamtamasyz ete alady. Shamamen jyldyń sońynda, óitkeni GMP inspektsiiasyn júrgizý úshin óndiristi tolyqqandy iske qosyp, tájiribelik partiiany shyǵarý qajet. Osydan keiin biz óndiristi baǵalap, vaktsina shyǵarýdy iske qosa alamyz», - dedi Aleksei Tsoi.
