QR Premer-Ministriniń orynbasary Eraly Toǵjanov koronavirýsqa qarsy otandyq vaktsinany Túrkiiada quiý týraly suraqtarǵa jaýap berdi, dep habarlaidy QazAqparat.
Onyń aitýynsha, Úkimet otandyq vaktsinany quiýǵa qatysty túrli nusqalardy qarastyryp jatyr.
«Men vaktsinalar óndirisin kepildi túrde qamtamasyz etýim kerek. Ózderińiz jaqsy bilesizder, vaktsinalardy óndirgenge deiin, quiǵanǵa deiin – munyń barlyǵy biologiialyq qaýipsizdik ǴZI óndiris kóleminde jasalady. Onda sýbstantsiia daiyndalady, sodan keiin ónim, sodan keiin ǵana vaktsinalar quiylady», - dedi Toǵjanov Ortalyq kommýnikatsiialar qyzmetinde tilshiler suraǵyna bergen jaýabynda.
Eraly Toǵjanov Otardaǵy biofarmatsevtikalyq zaýyttaǵy jumystar jedeldetilgen túrde júrip jatqanyn aitty.
«Sáýir aiynda zaýyt qurylysyn aiaqtadyq. Qazirgi ýaqytta jabdyqtardy montajdaý aiaqtaldy. 19 maýsymda biz quiý jelisin alǵash ret synama retinde iske qostyq. Negizi, Qazaqstanda da quiý múmkindigi bar. Qazir validatsiialyq kezeń júrip jatyr, ol bir jarym - eki aiǵa sozylady. Biz tamyz aiynyń sońynda jáne qyrkúiektiń basynda 600 myń dozany óz zaýytymyzdyń bazasynda quiamyz», - dedi Toǵjanov.
