قر پرەمەر-مينيسترٸنٸڭ ورىنباسارى ەرالى توعجانوۆ كوروناۆيرۋسقا قارسى وتاندىق ۆاكتسينانى تٷركييادا قۇيۋ تۋرالى سۇراقتارعا جاۋاپ بەردٸ, دەپ حابارلايدى قازاقپارات.
ونىڭ ايتۋىنشا, ٷكٸمەت وتاندىق ۆاكتسينانى قۇيۋعا قاتىستى تٷرلٸ نۇسقالاردى قاراستىرىپ جاتىر.
«مەن ۆاكتسينالار ٶندٸرٸسٸن كەپٸلدٸ تٷردە قامتاماسىز ەتۋٸم كەرەك. ٶزدەرٸڭٸز جاقسى بٸلەسٸزدەر, ۆاكتسينالاردى ٶندٸرگەنگە دەيٸن, قۇيعانعا دەيٸن – مۇنىڭ بارلىعى بيولوگييالىق قاۋٸپسٸزدٸك عزي ٶندٸرٸس كٶلەمٸندە جاسالادى. وندا سۋبستانتسييا دايىندالادى, سودان كەيٸن ٶنٸم, سودان كەيٸن عانا ۆاكتسينالار قۇيىلادى», - دەدٸ توعجانوۆ ورتالىق كوممۋنيكاتسييالار قىزمەتٸندە تٸلشٸلەر سۇراعىنا بەرگەن جاۋابىندا.
ەرالى توعجانوۆ وتارداعى بيوفارماتسەۆتيكالىق زاۋىتتاعى جۇمىستار جەدەلدەتٸلگەن تٷردە جٷرٸپ جاتقانىن ايتتى.
«سەۋٸر ايىندا زاۋىت قۇرىلىسىن اياقتادىق. قازٸرگٸ ۋاقىتتا جابدىقتاردى مونتاجداۋ اياقتالدى. 19 ماۋسىمدا بٸز قۇيۋ جەلٸسٸن العاش رەت سىناما رەتٸندە ٸسكە قوستىق. نەگٸزٸ, قازاقستاندا دا قۇيۋ مٷمكٸندٸگٸ بار. قازٸر ۆاليداتسييالىق كەزەڭ جٷرٸپ جاتىر, ول بٸر جارىم - ەكٸ ايعا سوزىلادى. بٸز تامىز ايىنىڭ سوڭىندا جەنە قىركٷيەكتٸڭ باسىندا 600 مىڭ دوزانى ٶز زاۋىتىمىزدىڭ بازاسىندا قۇيامىز», - دەدٸ توعجانوۆ.
