Kórneki sýret: pixabay.com
Endi qazaqstandyq joǵary oqý oryndary shetelde qiyn jaǵdaida qalǵan otandastarymyz ben qandastardy jyl boiy jedel túrde qabyldaýǵa daiyn. Bul týraly ǵylym jáne joǵary bilim ministri Saiasat Nurbek málimdedi, dep habarlaidy "Ult aqparat".
Ol Túrkiiadaǵy jer silkinisine bailanysty Cyrtqy ister ministrligimen óte tyǵyz bailanysta ekenin atap ótti.
"Biz osy qiyn kezeńde shetelde, sonyń ishinde Túrkiiada oqyp júrgen otandastarymyzdy, qandastarymyzdy qazaqstandyq ýniversitetterge qabyldaýǵa daiynbyz. Ol úshin qabyldaý erejelerin ózgerttik. Buryn tek qana sessiianyń arasynda nemese jazǵy demalystarda aýysý múmkindigi bolsa, endi bizdiń ýniversittetter qiyn jaǵdaiǵa ushyraǵanda jyl boiy qabyldaýǵa daiyn. Qazirdiń ózinde qujattar tapsyrylyp jatyr", - dedi Saiasat Nurbek Úkimet kýlýarynda.
Eske salaiyq, 6 aqpanda Túrkiianyń ońtústik-shyǵysynda jáne Siriianyń birneshe provintsiiasynda joiqyn jer silkinisi boldy. Qaza bolǵandar sany otyz myńnan asyp ketti. Qurbandar arasynda Qazaqstannyń úsh azamaty da bar.
