Ýkraina tyńaitqysh importyna qatysty tergep-tekserýdi aiaqtady. Ýkraina - qazaqstandyq «Qazfosfat» JShS jáne «QazAzot» AQ óndiretin tyńaitqyshty ótkizetin negizgi naryqtyń biri.
QR Saýda jáne integratsiia ministrliginiń habarlaýynsha, Qazaqstannyń Ýkrainaǵa ortasha jyldyq eksporty - shamamen 41 mln AQSh dollary. Ótkiziletin ónim kólemi - 110 myń tonna. Mundai naryqtyń jabylýy otandyq kásiporyndarǵa keri áser eter edi.
«Tergep-tekserýdiń búkil kezeńinde Saýda jáne integratsiia ministrligi qazaqstandyq zaýyttardyń múddesin qorǵap, Ýkrainanyń ýákiletti organymen tyǵyz yntymaqtastyq ornatty. Qazaqstandyq saýda ministrliginiń bastamasymen qazaqstandyq tyńaitqysh úshin kvota berý nemese qazaqstandyq taýardy shara qoldanysynan shyǵarý máselesi qarastyryldy. Sondai-aq, qazaqstandyq tarap Ýkrainanyń ýákiletti organynyń sheshimin sot tártibimen daýlaý múmkindigin joqqa shyǵarmady» dep málimdedi ministrlik.
Sonyń arqasynda qorǵaý sharalary qabyldanǵan joq.
Júrgizilgen jumystyń nátijesinde qazaqstandyq kompaniialar dástúrli ótkizý naryǵyna eksportty jalǵastyra alady.
