Mezzo toby "Novaia volna - 2021" halyqaralyq vokaldyq baiqaýynda eki kúnniń qorytyndysy boiynsha úshinshi orynda tur, - dep habarlaidy Tengrinews.kz agenttigi.
Baiqaýdyń birinshi kúni qazaqstandyqtar Meraiia Keridiń Without you ánin oryndap, qazylar alqasy múshelerinen 86 ball aldy jáne Armeniiadan kelgen qatysýshydan keiingi ekinshi oryndy ielendi.
Ekinshi kúni olar Batyrhan Shúkenovtyń "Dojd" kompozitsiiasyn shyrqap, 170 upaimen úshinshi orynǵa jaiǵasty.
Endi finalisterdi úshinshi baiqaý kezeńi - final kútip tur. Onyń qorytyndysy boiynsha "Novaia volna - 2021" jeńimpazy anyqtalady.
Biyl "Novaia volna - 2021" finalynda álemniń 9 elinen 11 qatysýshy bas júldege talasady. Baiqaýǵa qatysýshylardy Igor Krýtoi, Filipp Kirkorov, Svetlana Loboda, Sergei Lazarev, Artik-Asti, Leonid Agýtin, Dima Bilan jáne Dimash Qudaibergen sekildi qazylar alqasy baǵalaidy.
Mezzo - klassikalyq jáne tanymal mýzyka elementteriniń sintezi sanalatyn klassikalyq krossover baǵytynda jumys isteitin Qazaqstandaǵy alǵashqy vokaldyq top. Olar 2012 jyly qurylǵan. Topta Jasulan Sydyqov, Jánibek Seidahmetov, Asan Nurbergenov jáne Meiirhan Janturǵanov án aitady. Ujym 2012 jyly X Factor Kazakhstan konkýrsynda 2-ishi oryn alyp, tanymal bolǵan.
