Qazaqstandyq tennisshilerdiń reitingtegi jańa orny belgili boldy, dep habarlaidy "Ult aqparat".
Áielder tennis qaýymdastyǵy (WTA) jariia etken reitingte Qazaqstannyń birinshi raketkasy Elena Rybakina 18-den 19-satyǵa syrǵydy.
Bul 19 jastaǵy Polsha ókili Iga Shventektiń Rolan Garros týrnirinde tamasha óner kórsetip, jeńimpaz atanýyna bailanysty bolyp otyr. Ol birden 36 orynǵa joǵary kóterilip, álemniń 17-raketkasy atandy.
Taǵy bir qazaqstandyq Iýliia Pýtintseva 27-ornyn saqtap qalsa, Zarina Diias 77-den 79-ǵa tómendedi.
Kósh basyndaǵy úzdik úshtik (aýstraliialyq Eshli Barti, rýmyniialyq Simona Halep, japoniialyq Naomi Osaka) ózgerissiz qaldy.
Juptyq synda Galina Voskoboeva 69-dan 70-ke, Anna Danilina 131-den 134-ke, Iu.Pýtintseva 180-nen 182-ge jyljydy.
Erler arasynda kásibi tennisshiler qaýymdastyǵy (ATP) jariialaǵan reitingte Qazaqstannan birinshi bolyp kele jatqan Aleksandr Býblik 49-dan 52-ge syrǵydy. Mihail Kýkýshkin 88-ornyn saqtap qalsa, Dmitrii Popko 171-den 178-ge tómendedi.
Reitingte burynǵysha serbiialyq Novak Djokovich, ispaniialyq Rafael Nadal, aýstriialyq Dominik Tim alda keledi.
Juptyq synda M.Kýkýshkin 74-ten 75-ke, Andrei Golýbev 84-ten 86-ǵa, A.Býblik 106-dan 108-ge syrǵysa, Aleksandr Nedovesov 132-den 136-ǵa kóterildi.
Qazaqstandyqtar aldaǵy jarystarda sátti óner kórsetse, reitingtegi ornyn jaqsarta alady. Búgin A.Býblik Sankt-Peterbýrg dodasynda reitingte 221-orynda turǵan amerikalyq Makkenzi Makdonaldpen kortqa shyǵady. Al M.Kýkýshkin erteń álemniń 41-raketkasy, serbiialyq Miomir Ketsmanovichpen oinaidy.
