Qazaqstandyq tennisshilerdiń AQSh-taǵy Charlston WTA týrnirindegi qarsylastary anyqtaldy, dep habarlaidy "Ult aqparat".
Atalǵan iri jarysta álemniń 1-raketkasy, aýstraliialyq Eshli Barti bastaǵan sportshylar baq synaidy.
Qazaqstannyń birinshi, álemniń 23-raketkasy Elena Rybakina alǵashqy ainalymda dúniejúzilik reitingte 119-orynda turǵan amerikalyq Keti Maknallimen sheberlik baiqasady.
Álemniń 28-raketkasy Iýliia Pýtintseva reitingte 107-satydaǵy germaniialyq tájiribeli tennisshi Andrea Petkovichpen oinaidy.
Reitingte 89-orynda turǵan Zarina Diias irikteý saiysy jeńimpazdarynyń birimen kortqa shyǵady. Eger Iu.Pýtintseva men Z.Diias qarsylastaryn utsa, ekinshi ainalymda ózara kezdesedi.
Qazaqstan áielder quramasynyń kapitany, reitingte 822-oryndaǵy Iaroslava Shvedova álemniń 76-raketkasy, japoniialyq Misaki Doimen kúsh synasady.
Qazirgi kezde irikteý saiystary ótip jatqan doda 5 sáýirde bastalyp, 11-inde márege jetedi.
