Qazaqstandyq tennisshiler Olimpiadanyń taǵy bir joldamasyna ie boldy, dep habarlaidy "Ult aqparat".
Qazaqstan tennis federatsiiasy málim etkenindei, Elena Rybakina men Iaroslava Shvedova Tokioda juptyq synda óner kórsetetin boldy.
Osylaisha qazaqstandyq tennisshiler jeti litsenziiany ielenip otyr. Bul Qazaqstan tennisi úshin rekordtyq kórsetkish bolyp tabylady. Buǵan deiin Olimpiadalarda tennisshiler enshisinde eń kóbi tórt joldama bolǵan edi.
Tokioda Aleksandr Býblik, Mihail Kýkýshkin, Elena Rybakina, Iýliia Pýtintseva jáne Iaroslava Shvedova jekelei synda dodaǵa túspek. Al juptyq synda A.Býblik pen Andrei Golýbev, Rybakina men Shvedova el namysyn qorǵaidy.
Olimpiadalyq tennis týrniri 24 shilde – 1 tamyz aralyǵynda ótedi.
