Qazaqstandyqtar Aleksandr Nedovesov pen Andrei Golýbev juptyq synda Horvatiiadaǵy Split 2 chellendjer týrniriniń finalyna shyǵa almady, dep habarlaidy "Ult aqparat".
Dodanyń 2-raketkalary bolyp tirkelgen qazaqstandyq jup jartylai finalda Polsha ókilderi Shimon Valkov – Ian Zelinskimen kezdesti.
Budan bir apta buryn Splittegi osyndai birinshi jarystyń finalynda qazaqstandyqtar Sh.Valkov pen Ia.Zelinskidi utyp, chempion atanǵan bolatyn.
Bul joly poliaktar sáttirek oinady. Olar birinshi partiiada 6:3 esebimen basym tústi. Ekinshi sette tai-breikte jeńisti bermedi – 7:6 (7:1).
Báseke 1 saǵat 19 minýtqa sozyldy.
Finalda Sh.Valkov pen Ia.Zelinski frantsiialyqtar Gregýar Barrer – Albano Olivettimen bas júldeni sarapqa salady.
Qazaqstannyń ekinshi, álemniń 101-raketkasy Mihail Kýkýshkin Barselona ATP týrniriniń irikteý saiystarynda baq synaidy. Ol bastapqy kezdesýinde dúniejúzilik reitingte 293-orynda turǵan ispaniialyq Karlos Himeno Valeromen sheberlik baiqasady.
Eske sala keteiik, budan buryn Iu.Pýtintsevanyń Qazaqstan – Argentina matchyn jeńispen bastaǵanyn, keiin eseptiń teńeskenin jazǵan bolatynbyz.
Argentinanyń Kordova qalasynda eki eldiń arasyndaǵy match qaita jalǵasady.
Búginge Elena Rybakina – Nadia Podoroska, Iýliia Pýtintseva – Mariia Lýrdes Karle, juptyq synda Iaroslava Shvedova men Anna Danilina jáne N.Podoroska men M.L.Karle kezdesýi josparlanyp otyr. Matchtyń ótýine jáne oiynshylardyń jaǵdaiyna qarai ózgerister engizilýi yqtimal.
