Qazaqstandyq tennisshiler osy aptada iri jarystarda baq synaidy, dep habarlaidy QazAqparat.
Qazaqstan tennis federatsiiasynan málim etkendei, elimizdiń birinshi raketkasy Elena Rybakina men dúniejúzilik reitingte 33-orynda turǵan Iýliia Pýtintseva Istborn (Ulybritaniia) WTA 500 týrnirin ekinshi ainalymnan bastaidy.
Anna Danilina juptyq synda braziliialyq Beatris Haddad Maiiamen birge alǵashqy ainalymda serbiialyq Aleksandra Krýnich – Polsha ókili Magda Linetpen kezdesedi.
Zarina Diias jaraqatyna bailanysty Ýimbldondy qosa alǵanda, kógaldaǵy tósenishte ótetin dodalardan tys qalyp otyr.
Qazaqstannyń erler arasyndaǵy birinshi raketkasy Aleksandr Býblik Istborn ATP 250 jarysynda bastapqy matchyn amerikalyq Frensis Tiafomen ótkizedi.
Aleksandr Nedovesov juptyq synda pákstandyq Aisam Kýreshimen birge ulybritaniialyqtar Djýlian Kesh – Genri Pattenmen sheberlik baiqasady
Andrei Golýbev Malorka (Ispaniia) ATP 250 dodasynda argentinalyq Maksimo Gonsalespen birge alǵashqy ainalymda poliak Hýbert Gýrkach – amerikalyq Sebastian Kordadan ótýge tyrysady.
Mihail Kýkýshkin Ýimbldon týrniriniń irikteý saiysynda italiialyq Lorentso Djýstinomen oinaidy.
Taǵy birneshe qazaqstandyq tennisshi túrli týrnirlerde óner kórsetedi.
