قازاقستاندىق تەننيسشٸلەر وسى اپتادا ٸرٸ جارىستاردا باق سىنايدى, دەپ حابارلايدى قازاقپارات.
قازاقستان تەننيس فەدەراتسيياسىنان مەلٸم ەتكەندەي, ەلٸمٸزدٸڭ بٸرٸنشٸ راكەتكاسى ەلەنا رىباكينا مەن دٷنيەجٷزٸلٸك رەيتينگتە 33-ورىندا تۇرعان يۋلييا پۋتينتسەۆا يستبورن (ۇلىبريتانييا) WTA 500 تۋرنيرٸن ەكٸنشٸ اينالىمنان باستايدى.
اننا دانيلينا جۇپتىق سىندا برازيلييالىق بەاتريس حادداد ماييامەن بٸرگە العاشقى اينالىمدا سەربييالىق الەكساندرا كرۋنيچ – پولشا ٶكٸلٸ ماگدا لينەتپەن كەزدەسەدٸ.
زارينا ديياس جاراقاتىنا بايلانىستى ۋيمبلدوندى قوسا العاندا, كٶگالداعى تٶسەنٸشتە ٶتەتٸن دودالاردان تىس قالىپ وتىر.
قازاقستاننىڭ ەرلەر اراسىنداعى بٸرٸنشٸ راكەتكاسى الەكساندر بۋبليك يستبورن ATP 250 جارىسىندا باستاپقى ماتچىن امەريكالىق فرەنسيس تيافومەن ٶتكٸزەدٸ.
الەكساندر نەدوۆەسوۆ جۇپتىق سىندا پەكستاندىق ايسام كۋرەشيمەن بٸرگە ۇلىبريتانييالىقتار دجۋليان كەش – گەنري پاتتەنمەن شەبەرلٸك بايقاسادى
اندرەي گولۋبەۆ مالوركا (يسپانييا) ATP 250 دوداسىندا ارگەنتينالىق ماكسيمو گونسالەسپەن بٸرگە العاشقى اينالىمدا پولياك حۋبەرت گۋركاچ – امەريكالىق سەباستيان كوردادان ٶتۋگە تىرىسادى.
ميحايل كۋكۋشكين ۋيمبلدون تۋرنيرٸنٸڭ ٸرٸكتەۋ سايىسىندا يتالييالىق لورەنتسو دجۋستينومەن وينايدى.
تاعى بٸرنەشە قازاقستاندىق تەننيسشٸ تٷرلٸ تۋرنيرلەردە ٶنەر كٶرسەتەدٸ.
