Ústel tennisinen nemis býndesligasynda synǵa túsetin qazaqstandyq Kirill Gerasimenko Werder komandasy sapynda kezekti matchta jeńiske jetti, dep habarlaidy "Ult aqparat" Ulttyq olimpiada komitetine silteme jasap.
«Týrnir kestesiniń 9-shy satysynda kele jatqan «Verder» «TTS OE» klýbymen jolyqqan bolatyn. Kezdesý nátijesinde 3:1 esebimen bremendikter jeńiske jetti. Al Kirill Gerasimenko Resei chempiony Lev Katsmandy 3:1 esebimen utty. Osydan soń, qazaqstandyq tennisshiniń komandasy 7-shi satyǵa kóterildi», dep jazady Qazaqstan Respýblikasy Ulttyq Olimpiadalyq komiteti.
Buǵan deiin Kirill Gerasimenko Granadadaǵy (Ispaniia) ITTF Challenge Spanish Open kezeńi aiasyndaǵy halyqaralyq jarysta jeńimpaz atandy. Atalǵan jarystyń finalynda ol Germaniialyq Benedikt Dýdomen kezdesti.
Tartysty ótken sheshýshi oiyn 7 ainalymǵa sozyldy. Sońǵy kezeńde Gerasimenko 11:7 esebimen jeńiske jetti.
Birinshilik barysynda ol 6 kezdesý ótkizip, qarsylas shaq keltirmegen.
