ٷستەل تەننيسٸنەن نەمٸس بۋندەسليگاسىندا سىنعا تٷسەتٸن قازاقستاندىق كيريلل گەراسيمەنكو Werder كومانداسى ساپىندا كەزەكتٸ ماتچتا جەڭٸسكە جەتتٸ, دەپ حابارلايدى "ۇلت اقپارات" ۇلتتىق وليمپيادا كوميتەتٸنە سٸلتەمە جاساپ.
«تۋرنير كەستەسٸنٸڭ 9-شى ساتىسىندا كەلە جاتقان «ۆەردەر» «تتس وە» كلۋبىمەن جولىققان بولاتىن. كەزدەسۋ نەتيجەسٸندە 3:1 ەسەبٸمەن برەمەندٸكتەر جەڭٸسكە جەتتٸ. ال كيريلل گەراسيمەنكو رەسەي چەمپيونى لەۆ كاتسماندى 3:1 ەسەبٸمەن ۇتتى. وسىدان سوڭ, قازاقستاندىق تەننيسشٸنٸڭ كومانداسى 7-شٸ ساتىعا كٶتەرٸلدٸ», دەپ جازادى قازاقستان رەسپۋبليكاسى ۇلتتىق وليمپيادالىق كوميتەتٸ.
بۇعان دەيٸن كيريلل گەراسيمەنكو گراناداداعى (يسپانييا) ITTF Challenge Spanish Open كەزەڭٸ اياسىنداعى حالىقارالىق جارىستا جەڭٸمپاز اتاندى. اتالعان جارىستىڭ فينالىندا ول گەرمانييالىق بەنەديكت دۋدومەن كەزدەستٸ.
تارتىستى ٶتكەن شەشۋشٸ ويىن 7 اينالىمعا سوزىلدى. سوڭعى كەزەڭدە گەراسيمەنكو 11:7 ەسەبٸمەن جەڭٸسكە جەتتٸ.
بٸرٸنشٸلٸك بارىسىندا ول 6 كەزدەسۋ ٶتكٸزٸپ, قارسىلاس شاق كەلتٸرمەگەن.
