Qazaqstandyq Aleksandr Nedovesov juptyq synda Chehiianyń Prosteev qalasynda chellendjer týrniriniń chempiony atandy, dep habarlaidy "Ult aqparat".
Qazaqstan tennis federatsiiasy málim etkenindei, A.Nedovesov portýgaliialyq Gonsalý Oliveiramen birge finalda chehiialyqtar Zdenek Kolar – Roman Jebavydy tize búktirdi.
Tartysty báseke 1:6, 7:6 (7:5), 10:6 esebimen aiaqtaldy.
Qazaqstandyq-portýgaliialyq jup 1 saǵat 30 minýtqa sozylǵan matchta bir eis jasap, alty breik-pointtyń bireýin de paidalana alǵan joq. Esesine qarsylastary eki márte breik jasady.
Osylaisha A.Nedovesov óziniń sporttyq jolynda juptyq synda chellendjer dodalarynda 21-inshi, biylǵy maýsymdaǵy altynshy jeńisine qol jetkizdi. Bul onyń jeke rekordtyq kórsetkishi bolyp tabylady.
«Sońǵy eki apta men úshin tabysty boldy. Áýeli Bratislavada, mine, búgin Prosteevte jeńis tuǵyrynan kórindik. Endi bir aptadai demalyp, sosyn Aleksandr Býblikpen birge Ýimbldon jarysyna daiyndalamyn», dedi Nedovesov.
