Máskeý mańyndaǵy «Alabino» poligonynda qazaqstandyq komanda tank biatlonyna jarysynda tankishiler óner kórsetetin tehnikany qabyldaýdy bastady, dep habarlaidy "Ult aqparat" QR Qorǵanys ministrliginiń resmi saityna silteme jasap.
Jerebe nátijesinde Qazaqstan komandasy sary túske boialǵan tórt tankige ie boldy. Konkýrs uiymdastyrýshylary - reseilik taraptan usynylǵan tehnikany tehnikalyq qamtamasyz etý toby ofitserleriniń basshylyǵymen epipajdar qabyldady.
Qabyldaý barysynda tankilerdiń tehnikalyq jaǵdaiy, jaýyngerlik mashinanyń bólikteri jáne mehanizmderiniń jaramdylyǵy men qabilettiligi tekserildi. Sonymen qatar tankterdiń tehnikalyq qamtamasyz etilýi jáne paidalaný aldyndaǵy daiyndyqqa nazar aýdaryldy.
Qazaqstandyq áskeri qyzmetshiler jaýyngerlik mashinalardyń jaǵdaiy qanaǵattanarlyq ekendigin jáne «Tank biatlony» saiysy aiasyndaǵy barlyq tapsyrmalardy oryndaýǵa múmkindik beretinin atap ótti.
Jarys bastalmas buryn qazaqstandyq tankishilerge qarý-jaraqtyń daiyndyǵy men dáldigin durystap, tank biatlony trassasynyń baǵytyn muqiiat zerdeleý qajet.
Eske sala keteiik, Armiia halyqaralyq oiyndary-2020 aiasynda ótkiziletin «Tank biatlony» halyqaralyq jarysy 23 tamyz - 5 qyrkúiek aralyǵynda «Alabino» poligonynda ótedi. Qazaqstandyq komanda alǵashqy jeke jarysyn 25 tamyz kúni bastap, Qyrǵyzstan, Resei jáne Ózbekstan tankishilerimen birge bir topta óner kórsetedi.
Jalpy saiysqa 16 eldiń tank ekipajdary qatysady.
