17 jeltoqsanda Sankt-Peterbýrgten 10-22 jas aralyǵyndaǵy oqýshylar men stýdentter arasynda «Adam quqyqtary bizdiń kózimizben» atty halyqaralyq beinerolikter baiqaýynyń onlain kórsetilimi ótti, dep habarlaidy "Ult aqparat" QR Adam quqyqtary jónindegi ortalyqtyń baspasóz qyzmetine silteme jasap.
2020 jyly baiqaý alǵash ret halyqaralyq mártebege ie boldy. Oǵan Belarýs Respýblikasynan, Resei Federatsiiasynan, Qazaqstan Respýblikasynan jáne Qyrǵyz Respýblikasynan 5 000-nan astam adamy qatysty.
Qatysýshylar sanynyń 2019 jylmen salystyrǵanda eki esege artýy baiqaý taqyrybynyń balalar men jastar arasynda ózekti ekendigin kórsetedi.
Qatysýshylar óz jumystaryn 1948 jylǵy 10 jeltoqsanda BUU Bas Assambleiasy qabyldaǵan adam quqyqtarynyń jalpyǵa ortaq deklaratsiiasynyń erejelerine arnady.
Qazirgi ýaqytta deklaratsiianyń erejeleri BUU-ǵa múshe memleketterdiń Konstitýtsiialarynyń negizin quraidy.
Beinerolikterdiń kópshiligi jalpyǵa birdei deklaratsiianyń 1, 3, 26-baptarynyń erejelerine, atap aitqanda adamnyń bilim alý quqyǵyna (168 jumys), ómir súrý quqyǵyna, bostandyqqa jáne jeke basyna qol suqpaýshylyqqa (162 jumys), árkimniń óz abyroiy men quqyqtaryndaǵy erkindigi men teńdigine, baýyrlastyq rýhyndaǵy bir-birine degen kózqarasyna (127 jumys) arnaldy.
Baiqaýdyń uiymdastyrýshylary men qazylar alqasynyń músheleri tikelei efirde adam quqyqtary týraly túsken 1475 beineroliktiń arasynan úzdik shyqqan 35-in jariialady.
Halyqaralyq baiqaýdyń bas júldesin (Grand Prix) Qorqyt Ata atyndaǵy Qyzylorda ýniversitetiniń 1 kýrs stýdenti Azamat Ibragim ielendi. Onyń beineroliginiń taqyryby: «Ar-ojdan bostandyǵy jáne dini senim». Onyń jumysynyń negizine Iýrii Levitanskiidiń «Árkim ózi úshin tańdaidy» óleńi arqaý bolǵan.
Azamat Ibragimniń beine jumysy baiqaýǵa túsken 1475 jumystyń ishinde úzdik dep tanyldy.
Baiqaýdy uiymdastyrýshylar: P.G.Oldenbýrgskii hanzada atyndaǵy Sankt-Peterbýrg quqyq institýty, Sankt-Peterbýrg memlekettik kino jáne teledidar institýty, «STRATEGIIa gýmanitarlyq-saiasattaný ortalyǵy» óńiraralyq qoǵamdyq uiymy.
Qazaqstan Respýblikasynyń Adam quqyqtary jónindegi ýákili, Nursultan Nazarbaev Qory, Qazaqstandaǵy TDM - 2030 qoǵamdyq institýty, Eýraziia tehnologiialyq ýniversiteti, Eurasian Center for Economic and Legal Research, #UNODC, Street Law Kazakhstan Sháikenov oqýshylarynyń qaýymdastyǵy konkýrstyń seriktesteri boldy.
Baiqaýdy ótkizýdi Qazaqstan Respýblikasy men Qyrǵyz Respýblikasynyń Sankt-Peterbýrgtegi konsýldyqtary qoldady.
