Qazaqstandyq sportshylar UFC-de nátijeli óner kórsetetin bolady. Bul týraly Ortalyq kommýnikatsiialar qyzmetindegi baspasóz máslihatynda qazaq sportshysy Damir Ysmaǵulov aitty, dep habarlaidy QazAqparat.
«Halyqaralyq deńgeidegi qazaq MMA ókili retinde aralas jekpe-jektiń qazirgi ýaqytta óte joǵary deńgeide turǵanyn atap ótkim keledi. Qazaq sportshylarynyń UFC-men kelisimshartqa qol qoiatyn kezi jaqyndap keledi», - dedi ol.
Onyń paiymynsha, qazaqstandyqtar UFC jaiynda jan-jaqty bilýi qajet.
«Endigi ýaqytta UFC týrnirleri Qazaqstanda da kórsetile bastaidy. Menińshe, bul óte mańyzdy oqiǵa. Adamdar osyndai baisaldy promoýshn bar ekenin bilýi tiis. Bizdiń sportshylarymyz da oǵan ótip, laiyqty nátije kórsetetinine senimdimin. Bul - jekpe-jek salasyndaǵy zor jetistik. Kúsh-jigerimizdi biriktirý arqyly sportshylarymyzdyń tanymaldyǵyn tek TMD elderinde ǵana emes, muhittyń ar jaǵynda da arttyrý úshin olardy ilgeriletý qurylymyn jolǵa qoia alatynymyzǵa senimdimin», - dedi Damir Ysmaǵulov.
Sonymen qatar ol Qazaqstanda UFC telearnasynyń iske qosylýyna qatysty da pikir bildirdi.
«Bul Qazaqstanda MMA-ny damytý úshin úlken kómek bolady dep oilaimyn. Qazaqstan atynan UFC-ge shyǵatyn jigitterge tek sáttilik tileimin!», - dedi tanymal sportshy.
