قازاقستاندىق سپورتشىلار UFC-دە نەتيجەلٸ ٶنەر كٶرسەتەتٸن بولادى. بۇل تۋرالى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قازاق سپورتشىسى دامير ىسماعۇلوۆ ايتتى, دەپ حابارلايدى قازاقپارات.
«حالىقارالىق دەڭگەيدەگٸ قازاق مما ٶكٸلٸ رەتٸندە ارالاس جەكپە-جەكتٸڭ قازٸرگٸ ۋاقىتتا ٶتە جوعارى دەڭگەيدە تۇرعانىن اتاپ ٶتكٸم كەلەدٸ. قازاق سپورتشىلارىنىڭ UFC-مەن كەلٸسٸمشارتقا قول قوياتىن كەزٸ جاقىنداپ كەلەدٸ», - دەدٸ ول.
ونىڭ پايىمىنشا, قازاقستاندىقتار UFC جايىندا جان-جاقتى بٸلۋٸ قاجەت.
«ەندٸگٸ ۋاقىتتا UFC تۋرنيرلەرٸ قازاقستاندا دا كٶرسەتٸلە باستايدى. مەنٸڭشە, بۇل ٶتە ماڭىزدى وقيعا. ادامدار وسىنداي بايسالدى پروموۋشن بار ەكەنٸن بٸلۋٸ تيٸس. بٸزدٸڭ سپورتشىلارىمىز دا وعان ٶتٸپ, لايىقتى نەتيجە كٶرسەتەتٸنٸنە سەنٸمدٸمٸن. بۇل - جەكپە-جەك سالاسىنداعى زور جەتٸستٸك. كٷش-جٸگەرٸمٸزدٸ بٸرٸكتٸرۋ ارقىلى سپورتشىلارىمىزدىڭ تانىمالدىعىن تەك تمد ەلدەرٸندە عانا ەمەس, مۇحيتتىڭ ار جاعىندا دا ارتتىرۋ ٷشٸن ولاردى ٸلگەرٸلەتۋ قۇرىلىمىن جولعا قويا الاتىنىمىزعا سەنٸمدٸمٸن», - دەدٸ دامير ىسماعۇلوۆ.
سونىمەن قاتار ول قازاقستاندا UFC تەلەارناسىنىڭ ٸسكە قوسىلۋىنا قاتىستى دا پٸكٸر بٸلدٸردٸ.
«بۇل قازاقستاندا مما-نى دامىتۋ ٷشٸن ٷلكەن كٶمەك بولادى دەپ ويلايمىن. قازاقستان اتىنان UFC-گە شىعاتىن جٸگٸتتەرگە تەك سەتتٸلٸك تٸلەيمٸن!», - دەدٸ تانىمال سپورتشى.
