Qazaqstandyq sportshylar Reseide ótetin jarystarǵa bara alady. RF úkimetiniń tóraǵasy Mihail Mishýstin tiisti ókimge qol qoidy.
"Qujatqa sáikes, sheteldik (sonyń ishinde qazaqstandyq) sportshylar, jattyqtyrýshylar jáne dene shynyqtyrý salasynyń mamandary Reseige kelý múmkindigine qaita ie boldy", - dep habarlady Qazaqstannyń Reseidegi elshiliginiń baspasóz qyzmeti.
2020 jyldyń naýryzynan bastap koronavirýstyń taralýyna bailanysty sheteldik sportshylar Reseige kire almady.
Mamyr aiynda reseilik uiymdarmen eńbek shartyn jasasqandar úshin shekteýler alynyp tastaldy.
Endi Reseige kirý úshin tólqujattan basqa, eldiń sport ministrligi federaldy qaýipsizdik qyzmetine, ishki ister ministrligine jáne Rosaviatsiiaǵa joldaǵan, Resei aýmaǵynda ótkiziletin jarystarǵa qatysatynyn rastaityn qujat, atap aitqanda – tizimge engizý (Resei Federatsiiasynyń shekarasynan ótetin beket pen kelý kúni kórsetiledi) qajet.
