Tokio-2020 Olimpiada oiyndarynyń ashyq sýda júzýden litsenziiasynyń iegeri qazaqstandyq júzgish Vitalii Hýdiakov eń birinshi bolyp Ystyqkóldi júzip ótti. Bul jańalyqpen sportshy Facebook-tegi paraqshasynda bólisti, dep habarlaidy "Ult aqparat".
«Vitalii Hýdiakov Ystyqkóldi Sholpan-Atadan Qajy-Sai jaǵajaiyna deiingi aralyqta júzip ótti. 56 shaqyrymǵa sozylǵan baǵdardy júzip ótýge 13 saǵattan astam ýaqyt ketti. Buǵan deiin eshkim bulai júzip ótpegen bolatyn. Sportshy 5 tamyz kúni tańǵy saǵat 5-15-te júzýdi bastap, 18-30-da júzip ótken edi», - delingen sportshynyń parashasyndaǵy jazbada.
Vitalii Hýdiakov – ashyq sýda júzýden Aziianyń tórt dúrkin chempiony, Jaǵajaidaǵy Aziia oiyndarynyń úsh dúrkin chempiony, álem chempionattarynda úzdikter «ondyǵynan» oryn alǵan. Vitaliidiń jattyqtyrýshylary – Evgenii Hýdiakov pen Beken Tasbaev.
