توكيو-2020 وليمپيادا ويىندارىنىڭ اشىق سۋدا جٷزۋدەن ليتسەنزيياسىنىڭ يەگەرٸ قازاقستاندىق جٷزگٸش ۆيتاليي حۋدياكوۆ ەڭ بٸرٸنشٸ بولىپ ىستىقكٶلدٸ جٷزٸپ ٶتتٸ. بۇل جاڭالىقپەن سپورتشى Facebook-تەگٸ پاراقشاسىندا بٶلٸستٸ, دەپ حابارلايدى "ۇلت اقپارات".
«ۆيتاليي حۋدياكوۆ ىستىقكٶلدٸ شولپان-اتادان قاجى-ساي جاعاجايىنا دەيٸنگٸ ارالىقتا جٷزٸپ ٶتتٸ. 56 شاقىرىمعا سوزىلعان باعداردى جٷزٸپ ٶتۋگە 13 ساعاتتان استام ۋاقىت كەتتٸ. بۇعان دەيٸن ەشكٸم بۇلاي جٷزٸپ ٶتپەگەن بولاتىن. سپورتشى 5 تامىز كٷنٸ تاڭعى ساعات 5-15-تە جٷزۋدٸ باستاپ, 18-30-دا جٷزٸپ ٶتكەن ەدٸ», - دەلٸنگەن سپورتشىنىڭ پاراشاسىنداعى جازبادا.
ۆيتاليي حۋدياكوۆ – اشىق سۋدا جٷزۋدەن ازييانىڭ تٶرت دٷركٸن چەمپيونى, جاعاجايداعى ازييا ويىندارىنىڭ ٷش دٷركٸن چەمپيونى, ەلەم چەمپيوناتتارىندا ٷزدٸكتەر «وندىعىنان» ورىن العان. ۆيتالييدٸڭ جاتتىقتىرۋشىلارى – ەۆگەنيي حۋدياكوۆ پەن بەكەن تاسباەۆ.
