Shyǵys Qazaqstan oblysy Ridder qalasynda turatyn Anastasiia Sevostianova Vengriianyń Býdapesht shaharynda ótken gir sportynan álem chempionatynda eki kúmis aldy, dep habarlaidy QazAqparat.
58 kelige deiingi salmaqtaǵy eki kategoriiada (áýesqoilar men ardagerler) óner kórsetken sportshy 16 kelilik girdi 10 minýtta 160 ret julqa kóterdi.
Ol mundai aýqymdy dodaǵa alǵash ret qatysyp otyr. Osyǵan deiin birneshe ret oblystyq jáne qalalyq chempionattardyń jeńimpazy atanyp kelgen.
«Gir kóterýmen 7 jyl buryn ainalysa bastadym. Únemi jattyǵý jasap, daiyndalyp júremin. Biraq men birinshi kezekte anamyn. Eki balam bar. Olardy tárbielep, úi sharýasymen ainalysamyn. Alaida adam kóńili qalasa súiikti isine báribir ýaqyt tabady eken», - deidi 35 jastaǵy áiel.
Onyń tek otbasy sharýalary ǵana emes, kúndelikti jumysy da bar.
Qazirgi ýaqytta «Kaztsink» kompaniiasy Ridder baiytý kombinatynyń tehnikalyq qujattamasynyń mamany.
Vengriiaǵa jarysqa qatysýyna osy jumys ornynyń basshylyǵy demeýshilik jasaǵan.
