2019 jyldyń shilde aiynda Uly dala skaýttary delegatsiiasy AQSh-ta ótetin álemdik Djamborige qatysady, dep habarlaidy QazAqparat tilshisi.
Bul týraly «Uly dala skaýttary» qoǵamdyq uiymynyń prezidenti Ildar Katenov málimdedi.
Álemdik skaýttar sleti 22 shilde men 2 tamyz aralyǵynda AQSh Batys Virginiia shtatynyń Bekli qalasynda S. Behtel atyndaǵy Ulttyq skaýt ortalyǵynda ótedi. Oǵan 160 memleketten 45 myń adam qatysady.
«Dúnie júziniń skaýttary úshin mańyzdy bul jiynǵa Qazaqstannan 12 bala barady. Ol úshin 13-17 jas aralyǵyndaǵy balalarǵa irikteý júrgizildi. Basty talap - úmitkerlerdiń aǵylshyn tilin bilýi jáne skaýttyq qabiletteri boldy», - dedi Ildar Katenov Astanada Uly dala skaýttarynyń VIII konferentsiiasynda.
Sondai-aq, álemdik Djamborige AQSh prezidenti Donald Tramp jáne ózge de elderden tanymal saiasi tulǵalar, qoǵam qairatkerleri qonaq bolyp keledi.
«Slet festivaldik formatta uiymdastyrylady, onda árbir delegatsiia óz elin, mádenietin jáne salt-dástúrin tanystyrady. Osylaisha, álemniń túpkir-túpkirinen kelgen skaýtshylarǵa Qazaqstandy tanystyrý múmkindigine ie boldyq», - deidi I. Katenov.
Jalpy, skaýting - balalarǵa túrli oiyndar men qyzyqty sabaqtar arqyly orta mektepten de mol málimet, zor bilim men daǵdy bere alatyn bilim júiesi. Ony beiresmi bilim berý júiesi dep ataidy. Skaýttar sol arqyly barlyq nárseni úirenedi. Jazda - tabiǵat aiasynda tirshilik etýdiń qyr-syryn úirense (otqa as pisiredi, qos qurady, palatkada uiyqtap, otyn jinaidy, sýda júzedi, túrli komandyq oiyndar oinaidy, aǵashqa órmeleidi t.b.), qysta - týrizm boiynsha jarystarǵa, kvesterge qatysyp, túrli aktsiialar ótkizedi. Skaýt bolý úshin jas ereksheligi mańyzdy emes. Qysqasha aitqanda, bul júie balalarǵa jeke tulǵa retinde damýdyń jolyn aiqyndap bermek.
Búginde skaýttyq qozǵalysty QR Parlamenti, jergilikti basqarý organdary, QR bilim jáne ǵylym ministrligi, QR Tuńǵysh Prezidentiniń kitaphanasy, mektepter men balalar shyǵarmashylyq úileri, qoǵamdyq birlestikter, balalardy damytý jekemenshik ortalyqtary men jalpy bastamashyl ata-analar qoldap otyr.
