Ótken jyldan beri qazaqstandyq sarapshylar toby eldegi modernizatsiialaý máseleleri boiynsha keshendi ǵylymi-qoldanbaly zertteýler jumysyn bastaǵan bolatyn, dep habarlaidy "Ult aqparat".
QR Tuńǵysh Prezidenti - Elbasy Qorynyń tapsyrmasymen 2019 jyly Álemdik ekonomika jáne saiasat institýty (quramynda: G. Pazylqaiyrova, J. Myrzabekov, S. Sadieva, S. Sýhanov, R. Sapyshev), jáne birqatar ulttyq sarapshylar tobynyń (50-den astam adam) qatysýymen, Zertteý jáne keńes berý ortalyǵy (CRC), «TALAP» qoldanbaly zertteý ortalyǵy, Eýraziianyń Whiteshield Partners aimaqtyq bólimi birlesip, eldegi modernizatsiialaý máseleleri boiynsha keshendi ǵylymi-qoldanbaly zertteýler jumysyn bastady.
Aitýly jumysqa sheteldik tanymal sarapshylar, onyń ishinde Whiteshield Partners kompaniiasynyń direktory jáne seriktesi, Parij saiasi zertteýler institýtynyń professory (Grande école Sciences Po) - Entoni O'Sallivan, Whiteshield Partners kompaniiasynyń direktory jáne Eýropalyq qaita qurý jáne damý bankiniń (EQDB) burynǵy bas ekonomisi - Erik Berglof, Whiteshield Partners kompaniiasynyń negizin qalaýshy, direktory jáne seriktesi, Kennedi atyndaǵy Garvard memlekettik basqarý mektebiniń aǵa oqytýshysy - Fadi Farra, Whiteshield Partners kompaniiasynyń direktory, Polshanyń eks-qarjy ministri - Pavel Voitsehovskimen Whiteshield Partners sarapshysy, EQDB burynǵy bas ekonomisi, Parij saiasattaný mektebiniń (Sciences Po) professory - Sergei Gýriev ádistemelik qoldaý kórsetti. Jeke zertteý bloktaryn qazaqstandyq sarapshylar - Ánýar Boranbaev(CRC), Rahym Oshaqbaev (Talap), Qanysh Týleýshin (Whiteshield Partners) basqardy.
Alty aidyń ishinde adam kapitaly jáne eńbek naryǵy, jańa ekonomikalyq model jáne ekonomikalyq ósimniń jańa múmkindikteri, keńistiktik damý, memlekettik basqarý, memleket pen azamattardyń ózara áreketi, makroekonomikalyq ortanyń baǵyttary boiynsha jumys júrgizildi. Sonymen qatar «aq kitaptaǵy» usynystar el azamattarynyń ál-aýqatyn arttyrýǵa baǵyttaldy.
N.Nazarbaev 2018 jyly óziniń Joldaýynda qazaqstandyqtardyń ál-aýqatynyń ósýi basty basymdyqqa ainalýǵa tiis ekenin atap ótken bolatyn.
«Búginde jahandyq jáne jergilikti problemalar toǵysa túsýde. Mundai jaǵdaida syn-qaterlerge tótep berýdiń jáne memlekettiń tabysqa jetýiniń kepili eldiń basty bailyǵy – adamnyń damý máselesi bolyp otyr» - dedi Elbasy.
QR Prezidenti Q.J.Toqaev 2019 jyldyń 2 qyrkúieginde halyqqa arnaǵan Joldaýynda «Qoǵamdyq dialog, ashyqtyq, adamdardyń muń-muqtajyna jedel nazar aýdarý memlekettik organdar qyzmetiniń negizgi basymdyqtary»,- ekenin jetkizdi.
Birinshi kitap - makroekonomikalyq salany zertteýge arnalǵan. Onda Ulttyq qordyń jańa modeli, biýdjettik turaqtylyq, ekonomikany «kóleńkeden» shyǵarý, salyq reformasy máseleleri qamtylǵan; memlekettik áleýmettik aktivterdi basqarýdyń tiimdiligi men ashyqtyǵyn arttyrý, banktik turaqtylyqty nyǵaitý jáne basqa da suraqtar qarastyrylǵan.
Ekinshi kitapta memlekettik basqarý reformasynyń keleshegi sipattalǵan. Onda memlekettik saiasatty ázirleý, memlekettik sektordyń fýnktsionaldyǵyn jetildirý, biýdjettiń tiimdiligin arttyrý, aimaqtardaǵy azamattyq belsendilikti damytý jáne jergilikti qaýymdastyqtardy nyǵaitý boiynsha usynystar berilgen.
Úshinshi kitap - adam kapitalyn damytý týraly. Munda zertteýshiler Qazaqstannyń damyǵan 30 eldiń qataryna ený jolynda kedergi bolatyn tosqaýyldardy kórsetip, usynystarynda júielik bastamalardy sipattaidy. Zertteý jumystary eldiń adami kapitaly qanshalyqty erekshe ekenin kórsetti, degenmen onyń sapasyn jaqsartý saiasaty, jumyspen qamtý qurylymy, kirisi aimaq boiynsha da, top boiynsha da ártúrli bolýy qajet.
Tórtinshi kitap – bul jerde ekonomikany yntalandyrýǵa arnalǵan jańa usynystar bar. Sarapshylar óńdeý ónerkásibin damytýdy kúsheitý, agroónerkásiptik keshenniń intensivti modeline kóshý, kreativti indýstriia men innovatsiialardy damytý, kásipkerlik institýttardy jetildirý, onyń ishinde básekege qabiletti ortany qamtamasyz etý arqyly ekonomikany ártaraptandyrý baǵyttary men sharalaryn qarastyrady.
Besinshi kitap - keńistikti damytý jáne aimaqtyq damý saiasatynyń tiimdiligin arttyrý máselelerin qamtidy. Zertteýshiler jasalǵan jumystyń nátijelerin keńes retinde qaraýdy jáne qazirgi memlekettik baǵdarlamalar men damý tujyrymdamalaryna balama emes ekenin aityp otyr.
Barlyq bastamalar elde qol jetkizgen jetistikter men sabaq bolǵan jaittardy eskere otyryp ázirlendi. Jumystardy júrgizýdiń kelesi qadamy -qoǵamdyq talqylaý. Oǵan elimiz ǵana emes, shetelderdegi ǵylymi ortalyqtar men korporativtik sektorda jumys isteitin sarapshylar, «Atameken» UKP, kásipodaqtar men birlestikter, qoǵamdyq uiymdar, Qazaqstannyń áleýmettik-ekonomikalyq damý máseleleri qyzyqtyratyn barlyq adamdar shaqyrylyp otyr.
Talqylaýǵa qoldaý kórsetý maqsatynda sarapshylar toby - ashyq dialog alańyn qurdy. Barlyq aqparatty https://www.facebook.com/groups/kzexpertclubparaqshasynan alýǵa bolady.
Zertteý nátijeleri https://kzexpertclub.fpp.kz/ paraqshasynda jariialanady.
Zertteý nátijeleriniń prezentatsiiasy 6 mamyr 2020 jyly, saǵat 15:00-de ótedi, qatysýǵa arnalǵan silteme: https://zoom.us/j/6920794312.
Bailanysý:
BAQ ókilderi úshin: Diana Dihanbaeva, tel: +7-707-990-0169, e-mail: dikhanbayeva.d@iwep.kz,
Sarapshylar úshin: Sabina Sadieva, tel: +7-771-255-2522, e-mail: sadiyeva@iwep.kz
Qazaqstan Respýblikasy Tuńǵysh Prezidenti - Elbasynyń Qory - Qazaqstandaǵy prezidenttik qor. Bul elimizdegi qyzmeti kásibi basqarý jáne jobalardyń júieliligi qaǵidalaryn ustanatyn iri kommertsiialyq emes qor. Qordyń jumysy daryndy jastardy qoldaýǵa, áleýmettik jobalar men azamattyq bastamalardy, básekege qabiletti saraptamalyq-taldaý ortalyǵyn damytýǵa baǵyttalǵan.
Álemdik ekonomika jáne saiasat institýty (ÁESI) – Qordyń janynan 2003 jyly quryldy. Institýttyń qyzmeti álemdik ekonomika, halyqaralyq qatynastar, qaýipsizdik máselelerin zertteýge, sondai-aq Qazaqstan Respýblikasy Tuńǵysh Prezidentiniń qyzmetin jáne Qazaqstannyń táýelsiz memleket retinde qalyptasýy men nyǵaiýyna, halyqaralyq yntymaqtastyqty damytýǵa jáne beibitshilik pen turaqtylyqty nyǵaitýǵa qosqan úlesin zerdeleýge baǵyttalǵan.
