Búgin QR Premer-Ministriniń orynbasary Eraly Toǵjanov Biologiialyq qaýipsizdik problemalary ǵylymi-zertteý institýty bazasynda óndirilgen QazVac (QazCovid-in) qazaqstandyq vaktsinasynyń birinshi partiiasyn jóneltýge qatysty jáne Jambyl oblysy Qordai aýdany Gvardeiskii kentindegi biofarmatsevtikalyq zaýyttyń qurylysy barysymen tanysty, dep habarlaidy "Ult aqparat".
«Qazaqstandyq vaktsinanyń jasalýy bizdiń elimizdiń koronavirýs infektsiiasyna qarsy óz vaktsinalaryn ázirlegen álemniń bes eliniń qataryna enýine múmkindik berdi. Bul - tek halyqtyń densaýlyǵyna ǵana qatysty másele emes, sondai-aq otandyq ǵylymnyń áleýeti men biofarmatsevtikada zamanaýi tehnologiialardy is júzinde qoldanýdyń, memlekettiń bedeldiń dáleli», - dep atap ótti Eraly Toǵjanov.
Ótken jyldyń qazan aiynda Qazaqstan Respýblikasynyń Prezidenti Qasym-Jomart Toqaev otandyq vaktsinany jasaý boiynsha naqty tapsyrmalar bergen bolatyn.
Vitse-premer Memleket basshysynyń qazaqstandyq vaktsinany shyǵarý jónindegi barlyq tapsyrmalary Úkimettiń erekshe baqylaýynda ekenin jáne vaktsinanyń birinshi partiiasynyń búgingi shyǵarylýy is júzinde oryndalǵanyn aiǵaqtaitynyn atap ótti.
QazVac vaktsinasynyń alǵashqy 50 myń dozasy «SQ-Farmatsiianyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoimalaryna jetkiziletin bolady. Aǵymdaǵy jylǵy 26 sáýirde halyqty QazVac vaktsinasymen vaktsinatsiialaý bastalady. Mamyr aiynda 50 myń doza kólemindegi vaktsinanyń kezekti partiiasyn shyǵarý josparlanýda. Budan ári vaktsina óndirisi kezeń-kezeńmen aiyna 500-600 myń dozaǵa deiin ulǵaitylatyn bolady.
Otandyq vaktsina Dúniejúzilik densaýlyq saqtaý uiymynyń tizilimine engizilgen. Onyń tolyq qaýipsizdigi dáleldendi, vaktsina koronavirýs infektsiiaysna qarsy turaqty immýnitetti qalyptastyrady. Belsendiligi joiylǵan vaktsinanyń artyqshylyǵy, ol vaktsinamen bailanysty aýrýlardy týdyrmaidy. Budan basqa, QazVac vaktsinasyn jetkizý ádisteri kúrdeli tońazytqysh qondyrǵylaryn talap etpeidi, olar tońazytqyshta pliýs 2-8 gradýs temperatýrada tasymaldanady.
Sondai-aq, Toǵjanov jumys sapary kezinde Biologiialyq qaýipsizdik problemalary ǵylymi-zertteý institýty janyndaǵy biofarmatsevtikalyq zaýyttyń qurylysy barysymen tanysty. Qazirgi ýaqytta qurylys-jóndeý jáne árleý jumystary aiaqtaldy. Injenerlik jelilerge qosý arqyly jabdyqtardy jóndeý, qosý-baptaý jáne iske qosý boiynsha jumystar júrgizilýde.
Aǵymdaǵy jylǵy naýryzda GMP standarttaryna sáikestigi týraly zertteýdiń oń qorytyndysy (DQ) alyndy. Kelesi qadam - validatsiiany júzege asyrý jáne GMP halyqaralyq standartynyń sertifikatyn alý. Osy maqsattar úshin «Atabai» túrik kompaniiasy jumyldyryldy.
Obektini aralaý qorytyndysy boiynsha vitse-premer oǵan oń baǵa berip, Memleket basshysynyń tapsyrmasyna sáikes otandyq vaktsina óndiretin zaýyt qurylysy belgilengen merzimde aiaqtalǵanyn atap ótti.
Biyl Biofarmatsevtikalyq zaýyt biyl iske qosylǵannan keiin onyń bazasynda QazVac vaktsinasyn óndirý jalǵastyrylatyn bolady.
