Jyl sońyna qarai Qazaqstandaǵy patrýldik politseiler men ýchaskelik inspektorlar jańa formaǵa aýysady. Bul týraly QR Ishki ister ministri Erlan Turǵymbaev Ortalyq kommýnikatsiialar qyzmetindegi baspasóz máslihatynda aitty, dep habarlaidy "Ult aqparat".
«Jyl sońynda kóshede qyzmet kórsetetin patrýldik politsiia men ýchaskelik inspektorlardyń formasyn aýystyramyz. Forma qazirdiń ózinde maquldaýdan ótti, ol kóshede qyzmet etýge óte yńǵaily. Jańa element – krossovka, báteńkeler túrindegi aiaq kiim engiziledi, bul politseiler úshin óte qajet, sebebi olar – jaiaý patrýlder, halyqpen tikelei jumys isteitin jedel qyzmetshiler», - dep jaýap berdi Erlan Turǵymbaev tilshilerdiń suraǵyna.
Jańa formada túngi ýaqytta kózge shaǵylysatyn elementter de qarastyrylǵan.
Ministrdiń aitýynsha, aldaǵy eki jylda barlyq politseidi jańa formaǵa aýystyrý josparlanǵan.
