Jańa oqý jyly qarsańynda QR Ishki ister ministrliginiń Ákimshilik politsiia komiteti ustazdarǵa, oqýshylar men olardyń ata-analaryna úndeý joldady, dep habarlaidy "Ult aqparat" komitettiń baspasóz qyzmetine silteme jasap.
Ákimshilik politsiia qyzmetkerleri jol jáne kommýnaldyq qyzmettermen birlesip, jaiaý júrginshi ótpeleriniń qajetti jol belgilerimen, jol tańbasymen, jaiaý júrginshi qorshaýlarymen jáne basqa da jol júrisin retteitin tehnikalyq quraldarmen jabdyqtalýyn tekserip jatyr. Ásirese, jalpy bilim beretin mekemelerge jaqyn aýmaqtar erekshe baqylaýda. Tekserý nátijesi boiynsha oryn alǵan kemshilikterdi joiý úshin ýákiletti uiymdarǵa nusqamalar joldanǵan.
«Sonymen birge, Ákimshilik politsiia komiteti pedagogtarǵa, oqýshylar men olardyń ata-analaryna eskertedi. Jol júrisin uiymdastyrý boiynsha eskertýlerińiz, usynystaryńyz, balalar jol qaýipsizdigin qamtamasyz etýge qatysty basqa da mańyzdy máseleler bolsa, vedomstvonyń saity arqyly tikelei aýmaqtyq ishki ister organdaryna nemese Feisbýktegi paraqsha arqyly IIM ÁPK-ge joldai alasyzdar» delingen habarlamada.
Joldanǵan usynys-tilek, máseleler qaralyp, tiisti sharalar qabyldanady.
