©Photo: AO "NK "QazExpoCongress" / Evgeniia Gorobets
Halyq sharýashylyǵy jetistikteriniń kórmesinde "Qazaqstan" pavilony "Qurylys salasyndaǵy eń úzdik iske asyrylǵan joba" baiqaýynyń "Mádeni mura nysanyn zamanaýi paidalanýǵa beiimdeý jáne restavratsiialaý" nominatsiiasy boiynsha jeńimpaz atandy, dep habarlaidy Sputnik Qazaqstan.
Marapattaý rásimi Qurylysshylar kúni qarsańynda Manej kórme zalynda Máskeý meri Sergei Sobianinniń qatysýymen ótti.
Baiqaý 2000 jyldan beri Máskeýdiń qala qurylysy saiasaty departamentimen ótkizilip keledi jáne ol reseilik astanadaǵy eń bedeldi kásibi marapattardyń biri bolyp sanalady.
Bul joly baiqaýǵa 2021 jyly paidalanýǵa berilgen 107 joba qabyldandy. Qatysýshylar qurylystyń negizgi baǵyttaryn qamtityn 12 nominatsiia boiynsha usynyldy: ol turǵyn úi ǵimarattary men meditsinalyq jáne bilim berý mekemelerinen bastap kóshe-jol jelisi nysandary, metropoliten qurylysy, mádeni mura nysandaryn qalpyna keltirý jáne zamanaýi paidalanýǵa beiimdeýge deiingi baǵytty qamtydy. Jeńimpazdardy quramyna saladaǵy bilikti mamandar kiretin saraptamalyq keńes pen qalalyq konkýrs komissiiasy anyqtady.
Eske salsaq, Halyq sharýashylyǵy jetistikteriniń kórmesindegi "Qazaqstan" pavilony 2021 jyldyń sońynda aýqymdy jańǵyrtýdan keiin ashyldy. Restavratsiia barysynda oǵan HH ǵasyrdyń ortasyndaǵy tarihi kórinisi qaitaryldy. Jeltoqsan aiynda ol Máskeý úkimeti uiymdastyrǵan "Máskeý retavratsiiasy – 2021" baiqaýynyń laýreaty atanyp, shildede restavratsiia isine qosqan úlesi jáne is-sharadaǵy belsendiligi úshin Halyq sharýashylyǵy jetistikteriniń kórmesiniń Altyn belgisimen marapattaldy.
