Shyǵysqazaqstandyq órt sóndirýshi Italiiada ótken kikboksingten álem chempionatynda qola júldeger atandy, dep habarlaidy QazAqparat.
ShQO tótenshe jaǵdailar departamenti baspasóz qyzmetiniń málimetine súiensek, azamattyq qorǵaý aǵa serjanty Berik Qalyqov Semei qalasyndaǵy №40 órt sóndirý bóliminde júrgizýshi bolyp jumys isteidi.
«26 jastaǵy órt sóndirýshi únemi sportpen ainalysyp keledi. 15-24 qazan aralyǵynda Italiiada kikboksingten ótken Álem chempionatynda óner kórsetip keldi. Jarysqa 65 elden 1600 sportshy qatysty. Berik Qalyqov Qazaqstan namysyn qorǵap, qola júldeger atandy», - dep habarlady vedomstvo ókilderi.
Ol tótenshe jaǵdailar júiesinde 2016 jyldan bastap qyzmet etedi.
Sol ýaqyttan beri 13 órtti sóndirip, 20 adamdy qutqarǵan.
