Tótenshe jaǵdai kezinde otandyq operatorlar áleýmettik osal toptar úshin internetke jeńildik beredi.
Bul týraly Ortalyq komýnikatsiialar qyzmetinde ótken onlain brifingte «Qazaqtelekom» AQ basqarma basshysy Qýanyshbek Esekeev aitty, dep habarlaidy "Ult aqparat".
«Aýyldyq aimaqtarda internetke qatysty birneshe másele bar. Ózim internet forým ótkizgen kezde myńǵa jýyq suraq keldi. Qashyqtan oqytý kezinde shalǵaidaǵy eldi mekenderde internet jyldamdyǵyna qatysty biraz shaǵymdar tústi. Aldaǵy ýaqytta bul máseleler sheshiledi», - deidi «Qazaqtelekom» AQ basqarma basshysy Qýanyshbek Esekeev.
Ol tótenshe jaǵdai kezinde otandyq operatorlar áleýmettik osal toptar úshin internetke jeńildik beretini týraly aitty.
«Biz barlyq qyzmetti abonentttik tólemge kirgizbei berip otyrmyz. Ishki qyzmet úshin aqy almaimyz, biraq YouTube siiaqty sheteldik qyzmet úshin aqy alamyz. Karantin kezinde internet qoldanýshylar sany artty. Karantinge deiin bir kún ishinde 200 myń adam, al karantinnen keiin 650 myń adam internet jelisine qosylǵanyn kórip otyrmyz», - deidi ol.
