Foto: Press-tsentr MDTs "Artek"
Endi qazaqstandyq oqýshylardy shetelge jiberý úshin Oqý-aǵartý ministrligi men bilim basqarmasynyń tiisti ruqsaty qajet bolady. Bul týraly Oqý-aǵartý ministri Ǵani Beisembaev málimdedi, dep habarlaidy Sputnik Qazaqstan saity.
Úkimet kýlýarynda jýrnalister ministrden Qyrymdaǵy "Artek" lagerine ketken oqýshylar týraly surady.
"Balalardyń bári aman-esen oraldy, áke-sheshesiniń qasynda. Bul jerde bir nárseni durystap túsinýimiz kerek. Bul - ata-analardyń erkimen jasalǵan dúnie. Biz endi ári qarai buǵan jol bermeý úshin bilim basqarmasynyń buiryǵynsyz jáne ministrlikke qarasty balalar quqyǵyn qorǵaý komitetiniń ruqsatynsyz balalardy shetelge jibermeý máselesin qolǵa alyp jatyrmyz", - dedi Beisembaev.
Ministr oqýshylardy Qyrymǵa áketken muǵalimge qatysty tiisti shara qoldanylǵanyn atap ótti.
Buǵan deiin "Rossotrýdnichestvo" ókildigi baǵdarlamasy boiynsha qazaqstandyq oqýshylar Qyrymdaǵy "Artek" lagerine ketkeni habarlanǵan bolatyn. Oqý-aǵartý ministrligi ata-analar bilim berý uiymymen bailanyspai, balalaryn óz betinshe jibergenin rastady.
