Foto: Primeminister.kz
Ulttyq ǵylymi onkologiia ortalyǵynda isikterdi emdeý úshin zamanaýi jelilik údetkish qoldanylady. Ol kóp jaǵdaida dástúrli hirýrgiiaǵa balama retinde paidalanylady. Bul týraly sáýlelik terapiia bóliminiń meńgerýshisi Raýan Raiymbekov aitty, dep habarlaidy Ult.kz.
Júie radiohirýrgiialyq emdeýge arnalǵan, iaǵni óte qysqa ýaqyt ishinde isikti joǵary dozaly radiiatsiiamen «kúidirý» jolymen júzege asady. Dárigerdiń aitýynsha, naýqas seans kezinde eshqandai qolaisyzdyq sezinbeidi jáne hirýrgiialyq operatsiialarmen bailanysty bolatyn qaýipter men asqynýǵa ushyramaidy, birden kúndelikti tirligine orala alady.
Apparatty ámbebap maqsatta: isikterdi tek mida ǵana emes, basqa da jerlerde emdeý úshin qoldanýǵa bolady.
«Bul radiohirýrgiia dep atalady. Mi metastazdaryn dástúrli hirýrgiialyq jolmen emdeýge balama ádis. Naýqasqa ashyq operatsiia jasalmaidy. Iaǵni, invazivti emes, anesteziiasyz tásil. Munda naýqas oiaý bolady. Adamdy jatqyzamyz da, bir qalypta qozǵaltpai ustap turyp, aýrý oshaǵyna joǵary dozada sáýle jiberemiz. Patsient eshteńe sezbeidi, sol oiaý qalpynda qalady jáne ári qarai óziniń kúndelikti isterimen ainalysa bere alady», — dedi Raýan Raiymbekov.
