Foto:facebook.com/cpcpipe
Kaspii qubyr konsortsiýmy (KQK) eki qondyrǵy jumysy ýaqytsha toqtatylatyny týraly habarlady, - dep jazady Tengrinews.kz agenttigi.
"2022 jyly tamyzda súńgýir brigadalarymen VPÝ-1 jáne VPÝ-2 jabdyqtar keshenine josparly tehnikalyq qyzmet kórsetý kezinde sýasty qubyrlarynyń qalqymaly tsisternalarǵa bekitý oryndarynda jaryqtar anyqtaldy (eskertý: qalqymaly tank sýasty qubyrlar gilzasyn aldyn ala belgilengen konfigýratsiiada ustaýǵa arnalǵan, aýa toltyrylǵan qýys qurylym)" - delingen aqparatta.
Konsortsiým Qara teńiz halqyna, florasy men faýnasyna qaýip joq ekenin, tehnikanyń tyǵyzdyǵy saqtalǵanyn atap ótti.
"Sýasty jabdyqtarynan anyqtalǵan zaqymdarǵa bailanysty KQK dereý VPÝ óndirýshisine, IMODCO-ǵa, sondai-aq qurylǵylardyń qaýipsiz jumys isteýin qadaǵalaityn ABS klassifikatsiiasy qoǵamyna qurylǵyny odan ári paidalaný múmkindigi týraly keńes alý úshin júgindi.
Bul uiymdar qalqymaly tankti aýystyrǵanǵa deiin VPÝ jumysyn toqtatýdy usyndy. ABS 2021-2022 jyldary qysqy kezeńde erekshe kúrdeli gidrometeorologiialyq jaǵdailardyń baiqalǵanyn, bul ziian keltirýi múmkin ekenin atap ótti", - dedi KQK ókilderi.
Sonymen qatar, konsortsiým aqaý munaidyń tógilýine nemese apatqa ákep soqpaǵanyn basa aitty. Kompaniianyń jabdyqqa qatysty osy táýekelderdi joiý sharalaryn qabyldaǵany atap ótildi.
"KQK tiisti tehnikalyq tapsyrmany ázirledi jáne qurylǵylardy aýystyrýdy kózdep otyr. Bul operatsiiany júzege asyrý úshin uiymdardy aldyn ala biliktiligi boiynsha irikteý júrgizilip jatyr", - dep qorytyndylady QQK.
KQK jaǵdaiǵa qatysty qosymsha habarlaýǵa ýáde berdi.
KQK qubyr júiesi – TMD-daǵy energetika salasyndaǵy eń iri jobalardyń biri. "Teńiz – Novorossiisk" qubyrynyń uzyndyǵy – 1511 shaqyrym. Qazaqstannyń barlyq eksporttyq munaiynyń úshten eki bóliginen astamy, sondai-aq reseilik ken oryndarynyń shikizaty, onyń ishinde Kaspii teńizinde ornalasqan ken oryndary osy baǵyt boiynsha tasymaldanady.
