«Rýhani jańǵyrý» baǵdarlamasy júzege asyrylǵan úsh jyldyń ishinde 12 myń metsanat týǵan jerlerine 270 mlrd teńgege kómek kórsetti. Bul týraly QR Aqparat jáne qoǵamdyq damý vitse-ministri Bolat Tilepov aitty, dep habarlaidy QazAqparat.
«Osy rette «Rýhani jańǵyrý« baǵdarlamasynyń «Týǵan jer« jobasyn, onyń metsenattyqty damytý baǵyty týraly arnaiy atap ótkim keledi. Ózderińiz bilesizder, 2018 jyldan bastap ministrlik «Jomart júrek« syilyǵyn taǵaiyndap, jyl saiyn qaiyrymdylyqqa jany jaqyn azamattarǵa usynyp keledi. Olardyń ishinde árine, týǵan ólkesine erekshe úles qosyp júrgen tulǵalardyń orny bólek. Baǵdarlamany iske asyrýdyń 3 jylynda osyndai 12 myń metsenat azamattarymyzdyń demeýshiligimen 270 mlrd teńgeniń jumysy atqaryldy», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Onyń aitýynsha, metsenattar atalǵan qarajatqa 2 600-den astam túrli áleýmettik mańyzy bar rýhani nysan salyp, 2 142 nysandy qaita jóndeýden ótkizgen.
«Biylǵy qiyndyqtarǵa qaramastan 2 131 demeýshi azamattyń arqasynda elimizdiń ár aimaǵynda 228 nysan salyndy. Onyń ishinde 2 mektep, 2 balabaqsha, 19 mádeniet nysany, 36 sport alańy, 31 balalar alańy jáne basqalary bar. Árine, bul jumys aldaǵy ýaqytta da óz jalǵasyn tabady degen úmittemiz. Ol úshin ministrlik tarapynan da, jergilikti bilik tarapynan da qajetti jaǵdai jasalatyn bolady», - dedi Bolat Tilepov.
