Qazaqstandyqtar, Team Kazakhstan akademiiasynyń tárbielenýshileri Arýjan Saǵyndyqova men Maksim Batiýtenko Aýstraliia ashyq chempionatynyń jasóspirimder týrnirinde oinaidy, dep habarlaidy QazAqparat.
Qazaqstan tennis federatsiiasy málim etkenindei, osylaisha el tennisi tarihynda alǵash ret qos qazaqstandyq jasóspirim «Úlken dýlyǵa» dodasynda synǵa túspekshi.
Arýjan jarysty negizgi kezeńnen bastaidy. Maksim irikteý saiystarynda baq synaidy.
A.Saǵyndyqova men M.Batiýtenko – Qazaqstannyń 18 jasqa deiingiler arasyndaǵy birinshi raketkalary.
Temirtaýlyq, 16 jastaǵy M.Batiýtenko osyǵan deiin ITF seriiasymen tórt týrnirde (ekeýi jekelei, taǵy ekeýi juptyq synda) jeńimpaz atandy. Al 17 jastaǵy Arýjan alty ret osyndai titýlǵa (úsheýi jekelei, úsheýi juptyq synda) qol jetkizdi.
