Qazaqstandyq Dáýren Súieýkenov pen Eset Qýanov Qazanda ótip jatqan dziýdodan álemdik Grand Slam týrniriniń qola júldegeri atandy, dep habarlaidy "Ult aqparat".
Tatarstannyń astanasy Qazan qalasynda dziýdodan ótip jatqan álemdik Grand Slam týrnirinde Dáýren Súieýkenov 60 kelige deiingi salmaqta qola medal úshin chehiialyq Devid Pýlkrabekpen tatamige shyǵyp, jeńiske jetti. Bul - jas dziýdoshynyń osyndai aitýly jarystaǵy alǵashqy tabysy.
Taǵy bir qazaqstandyq Eset Qýanov 66 kelige deiingi salmaqta qola júldege ilikti. Ol grýziialyq balýandy ippon ádisimen taza jeńdi. Osylaisha jarystyń birinshi kúni Qazaqstan quramasynyń qorjynyna qos qola júlde tústi.
Grand Slam týrniri odan ári jalǵasýda.
