Qazaqstandyq azamat meditsinalyq portalǵa óziniń koronavirýs juqtyrǵany týraly jalǵan aqparat kórsetken. Bul týraly Habar24 arnasynda ótken onlain brifingte aityldy, dep habarlaidy "Ult aqparat".
«Sońǵy táýlikte tótenshe jaǵdai tártibin buzǵany úshin 124 adam jaýapqa tartyldy. Zańsyz joǵary baǵada satylyp jatqan 40 myń maska men 2 myń litrden astam antiseptik anyqtaldy», - dedi QR Aqparat jáne qoǵamdyq damý ministri Dáýren Abaev.
Ministr bul rette tártip buzǵandar arasyndaǵy bir azamattyń áreketine toqtalyp ótti.
«Azamat DamýMed portalynda ózinde koronavirýs belgisi bar dep kórsetken. Biraq jedel járdem dárigerleri ol adamnan eshbir aýrý belgisin tappaǵan. Keiinnen anyqtalǵandai, ol azamat júieniń, dárigerlerdiń jumysyn teksergisi kelipti. Áitpese, esh jeri aýyrmaǵan, shetelge shyqpaǵan, aýyrǵan adamdarmen bailanysta bolmaǵan. Dárigerlerimiz onsyz da, uiyqtamai, úilerine qaitpai, bar janyn salyp jumys isteýde. Olardyń ár minýty baǵaly. Ár sekýndy sanaýly», - deidi ol.
